ജുഡീഷ്യറിയില് ആര്.എസ്.എസ് പ്രചാരകരെ നിയമിക്കാനുള്ള ശ്രമമാണ് കേന്ദ്രസര്ക്കാര് നടത്തുന്നതെന്ന് കപില് സിബല്
ജുഡീഷ്യറിയില് ആര്.എസ്.എസ് പ്രചാരകരെ നിയമിക്കാനുള്ള ശ്രമമാണ് കേന്ദ്രസര്ക്കാര് നടത്തുന്നതെന്ന് കോണ്ഗ്രസ് നേതാവ് കപില് സിബല്. നേരത്തെ വിദ്യാഭ്യാസ സ്ഥാപനങ്ങളില് ആര്.എസ്.എസ് പ്രചാരകരന്മാരെ സര്ക്കാര് നിയമിച്ചിരുന്നു. ഇതിന് പിന്നാലെയാണ് ജുഡീഷ്യറിയിലും ആര്.എസ്.എസ് ഇടപെടല് ഉണ്ടാവുന്നതെന്ന് കപില് സിബല് പറഞ്ഞു.
ഇത് ഒരിക്കലും അംഗീകരിക്കാനാവില്ല. ഇതിനെ എതിര്ക്കണം. ജുഡീഷ്യറിയിലും ഇൗ വിഷയം ഉയര്ത്തികൊണ്ടുവരണം. ജുഡീഷ്യറിയെ നിയന്ത്രിക്കാനാണ് സര്ക്കാര് ശ്രമിക്കുന്നത്. ജുഡീഷ്യറി നിയന്ത്രണത്തില് നിന്ന് പോകുമോയെന്ന് ബി.ജെ.പി ഭയപ്പെടുകയാണെന്നും കപില് സിബല് പറഞ്ഞു.
രാജ്യത്തെ എല്ലാ സ്ഥാപനങ്ങളും പതുക്കെ ബി.ജെ.പി സര്ക്കാര് പിടിച്ചെടുക്കുകയാണ്. ആദ്യം പ്രധാനമന്ത്രി നരേന്ദ്രമോദി പാര്ലമന്റെ പിടിച്ചെടുത്തു. മാധ്യമങ്ങളേയും ജുഡീഷ്യറിയേയുമാണ് ഇപ്പോള് ലക്ഷ്യം വെച്ചിരിക്കുന്നത്. സര്ക്കാറിന് താല്പര്യമുള്ളവരെ മാത്രമാണ് ജുഡീഷ്യറിയില് നിയമിക്കുന്നതെന്നും കപില് സിബല് കുറപ്പെടുത്തി.
https://www.facebook.com/Malayalivartha
