തോനുന്നിടങ്ങളില് പാടാനുള്ളതല്ല ദേശീയ ഗാനം; തിയേറ്ററില് ഇനിമുതല് നിര്ബന്ധമാക്കരുത്; പുതിയൊരു സമിതിയെ രൂപീകരിച്ച് സര്ക്കാര്
തിയേറ്ററുകളില് ദേശീയഗാനം നിര്ബന്ധമാക്കരുതെന്ന് കേന്ദ്രസര്ക്കാര് നിയോഗിച്ച വിവിധ മന്ത്രാലയങ്ങളിലെ ഉദ്യോഗസ്ഥ സമിതി സര്ക്കാറിന് ശിപാര്ശ നല്കാനൊരുങ്ങുന്നു. ദേശീയഗാനം പാടുകയോ അവതരിക്കുകയോ ചെയ്യേണ്ട സ്ഥലങ്ങളും പരിപാടികളും സംബന്ധിച്ച് പഠിക്കുന്നതിനായാണ് കേന്ദ്രസര്ക്കാര് സമിതിയെ നിയോഗിച്ചിരിക്കുന്നത്.
തിയറ്ററുകളില് ദേശീയഗാനം പാടുന്നത് സിനിമയുടെ സുഗമമായ കാഴ്ചയെ ഇല്ലാതാക്കും എന്ന് മാത്രമല്ല. അത് തിയേറ്ററിനുള്ളില് ആശയക്കുഴപ്പത്തിന് കാരണമാവുമെന്നും ഇത് ദേശീയഗാനത്തെ അവഹേളിക്കുന്നതിന് തുല്യമാണെന്നുമാണ് സമിതിയുടെ വിലയിരുത്തല്. കഴിഞ്ഞ വര്ഷം ഡിസംബര് 5നാണ് 12 ഇതിനായി 5 അംഗസമിതിയെ സര്ക്കാര് നിയോഗിച്ചത്. ആറുമാസത്തിനകം റിപ്പോര്ട്ട് സമര്പ്പിക്കാനാണ് സമിതിയോട് ആവശ്യപ്പെട്ടിരുന്നത്. പ്രതിരോധം, വിദേശകാര്യം, ശിശുവനിത വികസനം, മാനവവിഭവശേഷം, പാാര്ലമെന്ററികാര്യം, നിയമം, ന്യൂനപക്ഷക്ഷേമം, വാര്ത്ത വിനിമയം തുടങ്ങിയ മന്ത്രാലയങ്ങളിലെ ഉദ്യോഗസ്ഥരാണ് സമിതിയിലുള്ളത്. അഭ്യന്തര മന്ത്രാലയത്തിലെ ബ്രിജ് രാജ് ശര്മ്മയാണ് സമിതി തലവന്.
രാഷ്ട്രപതി രാജ്യത്തെ അഭിസംബോധന ചെയ്യുേമ്പാള് ആള് ഇന്ത്യ റേഡിയോ വഴി ദേശീയഗാനാം അവതരിപ്പിക്കാം. ഗവര്ണര്, ലഫറ്റന്റ് ഗവര്ണര് എന്നിവര് പെങ്കടുക്കുന്ന സംസ്ഥാന പരിപാടികള്, ദേശീയ പതാകയേന്തിയുള്ള പരേഡുകള്, സ്കൂള് അസംബ്ലി തുടങ്ങിയ സ്ഥലങ്ങളിലും പരിപാടികളിലുമെല്ലാം ദേശീയഗാനം അവതരിപ്പിക്കാമെന്നും സമിതിയുടെ റിപ്പോര്ട്ടിലുണ്ട്. ബാന്ഡ് സംഘത്തിന് ഡ്രം ഉപയോഗിച്ച് ദേശീയഗാനം അവതരിപ്പിക്കുന്നതിനും തടസമില്ല.
https://www.facebook.com/Malayalivartha
