ഇന്ത്യന്‍ പ്രധാനമന്ത്രി നരേന്ദ്രമോഡിയെ പ്രശംസിച്ച് രാഷ്ട്രപതി പ്രണബ് മുഖര്‍ജി. വിയറ്റ്നാമിൽ ഇന്ത്യൻ സമൂഹം നൽകിയ സ്വീകരണ ചടങ്ങിൽ സംസാരിക്കവെയാണ് മോഡിയെ രാഷ്ട്രപതി പ്രകീർത്തിച്ചത്.രാജ്യത്തിന്റെ സമ്പദ് വ്യവസ്ഥ ഭദ്രമാക്കി മികച്ച പാതയിലേക്ക് എത്തിക്കാൻ നരേന്ദ്ര മോഡി സർക്കാർ നടപടികൾ സ്വീകരിച്ചുവെന്നും ആഗോളതലത്തിൽ ഇന്ത്യയ്ക്ക് അനുകൂലമായ അന്തരീക്ഷം സൃഷ്ടിച്ചുവെന്നും പ്രണബ് മുഖർജി അഭിപ്രായപ്പെട്ടു. ബൃഹത്തായ നയങ്ങളുമായി ഭരണം തുടങ്ങിയ മോഡി സർക്കാർ അത് ഉദ്ദേശിച്ച രീതിയിൽ നടപ്പിലാക്കാനും ശ്രമിക്കുന്നുണ്ട്.

മോഡിയുടെ ജപ്പാൻ സന്ദർശനം കാതലായ വിദേശ നിക്ഷേപം ഭാവിയിൽ ഉറപ്പുവരുത്തുന്നതാണ്. അടുത്ത അഞ്ച് വർഷത്തിൽ,​ ജപ്പാനിൽ നിന്ന് 25 മുതൽ 35 ശതകോടി ഡോളർ നിക്ഷേപമാണ് പ്രതീക്ഷിക്കുന്നതെന്നും രാഷ്ട്രപതി പറഞ്ഞു. 
കഴിഞ്ഞയാഴ്ച ഇന്ത്യ സന്ദർശിച്ച ആസ്ട്രേലിയൻ പ്രധാനമന്ത്രിയുമായി നല്ലൊരു കൂടിക്കാഴ്ചയാണ് നടന്നതെന്ന് രാഷ്ട്രപതി പറഞ്ഞു. യു.എസ് പ്രസിഡന്റ് ബറാക്ക് ഒബാമ അടക്കമുള്ള ലോക നേതാക്കളുമായി മികച്ച സഹകരണമാണ് പ്രധാനമന്ത്രി മോഡി പുലർത്തുന്നതെന്നും രാഷ്ട്രപതി സൂചിപ്പിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha