ബി.എസ്.പി നേതാവിനെ വെടിവെച്ചുക്കൊന്ന കേസില്‍ രണ്ടുപേര്‍ പിടിയില്‍
01 APRIL 2013 06:33 AM IST
മലയാളി വാര്‍ത്ത.
ഡല്‍ഹിയില്‍ ബി.എസ്.പി നേതാവ് ദീപക്‌ ഭരദ്വാജിനെ വെടിവെച്ചു കൊന്ന കേസിലെ പ്രതികളെ പോലീസ്‌ അറസ്‌റ്റ്‌ ചെയ്തു. പുരുഷോത്തം റാണ, സുനില്‍ എന്നിവരെയാണ്‌ അറസ്‌റ്റ്‌ ചെയ്‌തത്‌. ഇക്കഴിഞ്ഞ മാര്‍ച്ച്‌ ഇരുപത്തിയാറിനായിരുന്നു ഫാം ഹൗസില്‍ കല്ല്യാണം ബുക്കു ചെയ്യാനെന്ന പേരില്‍ എത്തിയവര്‍ ദീപക്കിനു നേരെ വെടിയുതിര്‍ത്തത്‌. പ്രതികളുടെ ദൃശ്യങ്ങള്‍ സി.സി.ടി.വിയില്‍ പതിഞ്ഞിരുന്നു. വെടിവെച്ച ശേഷം പ്രതികള്‍ രക്ഷപ്പെടുന്ന ദൃശ്യങ്ങളാണ്‌ സി.സി.ടി.വിയില്‍ പതിഞ്ഞത്‌. സുരക്ഷാ ഗാഡിനെ ഭീഷണിപ്പെടുത്തി ഫാം ഹൗസിന്റെ ഗേറ്റ്‌ തുറന്ന്‌ സ്‌കോഡ കാറില്‍ പ്രതികള്‍ രക്ഷപ്പെടുന്നത്‌ ദൃശ്യങ്ങളില്‍ വ്യക്തമായിരുന്നു. പ്രതികളില്‍ ഒരാളായ സുനില്‍ ഡല്‍ഹി കോടതിയില്‍ കീഴടങ്ങുകയായിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
