ഒഡിഷയിലെ ആദിവാസി ഭൂരിപക്ഷ ജില്ലയായ മയൂര്‍ബഞ്ചില്‍ മാതാവ് നവജാത ശിശുവിനെ കൊന്ന്​ ചാണകക്കുഴിയില്‍ കുഴിച്ചു മുടി. ഹിന്ദു സിങ്​ എന്നയാളുടെ ഭാര്യ മസുരി സിങ്​ ആണ്​ കുഞ്ഞിനെ കുഴിച്ചു മുടിയത്​. ബുധനാഴ്​ച രാത്രിയിലായിരുന്നു സംഭവം.

വെള്ളിയാഴ്​ച വൈകുന്നേരത്തോടെ ദുര്‍ഗന്ധം വമിച്ചതോടെയാണ്​ സംഭവം പുറത്തായത്​. തുടര്‍ന്ന്​ അയല്‍ക്കാര്‍ പൊലീസിനെ വിവരമറിയിച്ചു. പ്രസവിച്ച ഉടനെ യുവതി കുഞ്ഞിനെ കൊല്ലുകയും എല്ലാവരും ഉറക്കമായതിനു ശേഷം ചാണകക്കുഴിയില്‍ കുഴിച്ചു മൂടുകയായിരുന്നു. യുവതിക്ക്​ വിവാഹേതര ബന്ധത്തിലുണ്ടായ കുഞ്ഞായതിനാലാണ്​ ഇത്തരത്തിലൊരു കൃത്യം ചെയ്​തതെന്ന്​ അയല്‍ക്കാര്‍ ആരോപിച്ചു.

കേരളത്തിലായിരുന്ന ഭര്‍ത്താവ്​ ഹിന്ദു സിങ്​ വീട്ടില്‍ തിരിച്ചെത്തിയ ശേഷമാണ്​ സംഭവം അറിയുന്നത്​. കുഞ്ഞിന്റെ മൃതദേഹം പോസ്​റ്റ്​മോര്‍ട്ടത്തിന്​​ അയച്ചതായി പൊലീസ്​ വൃത്തങ്ങള്‍ അറിയിച്ചു.