കേരളത്തിന്റെ നിയുക്ത ഗവർണറായി നിയമിക്കപ്പെട്ട ഓം പ്രകാശ് മാഥുറിന് തിരുവനന്തപുരത്ത് ഔദ്യോഗിക ബഹുമതികളോടെ സ്വീകരണം നൽകി. മുഖ്യമന്ത്രി, സ്പീക്കർ തിരുവഞ്ചൂർ രാധാകൃഷ്ണൻ, ആഭ്യന്തര മന്ത്രി രമേശ് ചെന്നിത്തല, ബിജെപി നേതാവ് വി. മുരളീധരൻ എംഎൽഎ തുടങ്ങിയവർ ചേർന്ന് അദ്ദേഹത്തെ ഇന്നലെ സ്വീകരിച്ചു.

ഇന്ന് ഉച്ചയ്ക്ക് 12.15-ന് മാഥൂർ കേരളത്തിന്റെ 29-ാമത് ​ഗവർണറായി സത്യപ്രതിജ്ഞ ചെയ്ത് ചുമതലയേൽക്കും. ഹൈക്കോടതി ചീഫ് ജസ്റ്റിസ് സൗമൻ സെൻ സത്യവാചകം ചൊല്ലിക്കൊടുക്കും.

ഇന്ന് ഉച്ചയ്ക്ക് 12.15ന് ലോക്ഭവനിൻ ഓഡിറ്റോറിയത്തിൽ സത്യപ്രതിജ്ഞ ചെയ്ത് ചുമതലയേൽക്കും. ഹൈക്കോടതി ചീഫ് ജസ്റ്റിസ് സൗമെൻ സെൻ സത്യവാചകം ചൊല്ലിക്കൊടുക്കും. സിക്കിം ഗവർണറായിരുന്നു. സത്യപ്രതിജ്ഞയ്ക്ക് സാക്ഷിയാവാൻ സിക്കിം മുഖ്യമന്ത്രി പ്രേം സിംഗ് തമാംഗും മന്ത്രിമാരുമടക്കം 75അംഗ സംഘവും എത്തിയിട്ടുണ്ട്. മാഥൂരിന്റെ 15 ബന്ധുക്കളും എത്തിയിട്ടുണ്ട്. രാജസ്ഥാനിലെ ബേദൽ സ്വദേശിയാണ്. അവിവാഹിതനാണ്.

വിമാനത്താവളത്തിൽ സ്വീകരിക്കാൻ സ്പീക്കർ തിരുവഞ്ചൂർ രാധാകൃഷ്ണൻ, മന്ത്രിമാരായ രമേശ് ചെന്നിത്തല, സണ്ണി ജോസഫ്, മേയർ വി.വി. രാജേഷ്, വി. മുരളീധരൻ എം.എൽ.എ, എ.ഡി.ജി.പിമാരായ പി. വിജയൻ, ബൽറാം കുമാർ ഉപാദ്ധ്യായ, ദിനേന്ദ്ര കശ്യപ് എന്നിവരും എത്തിയിരുന്നു. പൊലീസ് ഗാർഡ് ഒഫ് ഓണർ നൽകി. ദൈവത്തിന്റെ സ്വന്തം നാട്ടിലേക്ക് സ്വാഗതമെന്ന് പറഞ്ഞ് മുഖ്യമന്ത്രി പൊന്നാടയണിയിച്ച് സ്വീകരിച്ചു. സ്പീക്കറും മന്ത്രിമാരും ബൊക്കെ നൽകി.
അതേസമയം സ്ഥാനമൊഴിയുന്ന ഗവര്‍ണര്‍ രാജേന്ദ്ര ആര്‍ലേക്കർക്ക് സംസ്ഥാന സർക്കാർ ഔദ്യോ​ഗിക യാത്രയയപ്പ് നൽകി. ഗ്രാന്‍ഡ് ഹയാത്ത് ഹോട്ടലിലാണ് ഔദ്യോഗിക യാത്രയയപ്പ് വിരുന്ന് ഒരുക്കിയത്. ആർലേക്കറുമായി സര്‍ക്കാരിന് ഊഷ്മളമായ ബന്ധമാണുണ്ടായിരുന്നതെന്ന് മുഖ്യമന്ത്രി വി ഡി സതീശന്‍ . സര്‍ക്കാരിന്റെയും ജനങ്ങളുടെയും നന്ദി ഗവര്‍ണറെ അറിയിക്കുന്നു. പുതിയ ഉദ്യമത്തില്‍ വിജയാശംസകള്‍ നേരുന്നുവെന്നും മുഖ്യമന്ത്രി
സര്‍ക്കാരുമായി ചേര്‍ന്ന് പ്രവര്‍ത്തിക്കാന്‍ ശ്രമിച്ച ഗവര്‍ണറാണ് രാജേന്ദ്ര ആര്‍ലേക്കറെന്ന് ആഭ്യന്തരമന്ത്രി രമേശ് ചെന്നിത്തല. സാധാരണക്കാരുമായി ഏറ്റവും അടുത്തിടപഴകിയ ഗവര്‍ണറാണ് ആര്‍ലേക്കറെന്ന് സ്പീക്കര്‍ തിരുവഞ്ചൂര്‍ രാധാകൃഷ്ണൻ വ്യക്തമാക്കി. ഗവര്‍ണര്‍ക്ക് മുഖ്യമന്ത്രി വി ഡി സതീശന്‍ കേരളത്തിന്റെ ആദരം സമ്മാനിച്ചു. കേരളത്തിലെ ജനങ്ങള്‍ നല്‍കിയ സ്നേഹവായ്പ് തിരിച്ചുനല്‍കുക മാത്രമാണ് ചെയ്തതെന്ന് രാജേന്ദ്ര വിശ്വനാഥ് ആര്‍ലേക്കര്‍ മറുപടി പ്രസംഗത്തില്‍ പറയുകയും ചെയ്തു.