ഡൽഹിയിലെ ഷഹീൻ ബാഗിൽ ജനങ്ങൾക്ക് കവചമായി നിന്നതിൻ്റെ പേരിൽ അറസ്റ്റിലായ കോൺഗ്രസിന്റെ പെൺപുലി അഡ്വ.ആർഫ ഘാനത്തിൻ്റെ നാവിൽ നിന്നും മുഴങ്ങിയ വാക്കുകൾ ഇന്ത്യയോട് ചിലത് പറയുന്നുണ്ടെന്ന് പ്രതിപക്ഷ വേതാവ് വി ഡി സതീശൻ പറഞ്ഞു. അദ്ദേഹത്തിന്റെ വാക്കുകൾ ഇങ്ങനെ;

''എനിക്ക് പരിക്കേറ്റു, പക്ഷേ എന്റെ ധൈര്യം ചോർന്നു പോകില്ല. ഈ അനീതിക്കെതിരെ ഞാൻ സംസാരിക്കും, ശബ്ദമുയർത്തും, അലറി വിളിക്കും". ഡൽഹിയിലെ ഷഹീൻ ബാഗിൽ ജനങ്ങൾക്ക് കവചമായി നിന്നതിൻ്റെ പേരിൽ അറസ്റ്റിലായ കോൺഗ്രസിന്റെ പെൺപുലി അഡ്വ.ആർഫ ഘാനത്തിൻ്റെ നാവിൽ നിന്നും മുഴങ്ങിയ ഈ വാക്കുകൾ ഇന്ത്യയോട് പറയുന്നുണ്ട്. 

"എവിടെ അനീതി സംഭവിക്കുന്നുവോ, അവിടെ ശബ്ദമില്ലാത്തവരുടെ ശബ്ദമായി ഇന്ത്യൻ നാഷണൽ കോൺഗ്രസ് ജനകീയ പോരാട്ടങ്ങളുടെ മുൻനിരയിൽ തന്നെയുണ്ടെന്ന് . മോദിയായാലും പിണറായി വിജയനായാലും പാവപ്പെട്ടവൻ്റെ കിടപ്പാടവും ജീവനും ജീവിതവും മുച്ചൂടും മുടിക്കാനിറങ്ങിയാൽ കോൺഗ്രസ് കൈയ്യും കെട്ടി നോക്കിയിരിക്കില്ല. ഫാഷിസ്റ്റുകൾ അത്താഴപ്പട്ടിണിക്കാരൻ്റെ ജീവിതം പന്താടുമ്പോൾ ആ കൊടിയ അനീതികൾക്കെതിരെ വിരൽ ചൂണ്ടുവാൻ ഇന്ത്യൻ നാഷണൽ കോൺഗ്രസ്സിന് അധികാരത്തിൻ്റെ ആടയാഭരണങ്ങൾ വേണമെന്നില്ല.

അന്ധമായ കോൺഗ്രസ് വിരുദ്ധത ബാധിച്ച ഇന്ത്യൻ മാധ്യമങ്ങൾ ഈ പോരാട്ടങ്ങൾ കണ്ടില്ലെന്ന് നടിച്ചേക്കാം. സംഘപരിവാറും കമ്മ്യൂണിസ്റ്റുകളും കൂലിയെഴുത്തുകാരും ചേർന്ന് എത്രയൊക്കെ ഇല്ലാതാക്കാൻ ശ്രമിച്ചാലും കൂടുതൽ കരുത്തോടെ കോൺഗ്രസ് ഈ മണ്ണിലുണ്ടാകും. ജനങ്ങളുടെ ശബ്ദമായി യുവതയുടെ കരുത്തുമായി ഒരായിരം " ആർഫ"മാർ ഇന്ത്യയെ വീണ്ടെടുക്കാൻ ഇവിടെ പിറക്കും.