കമ്പനികള് തമ്മിലുണ്ടാക്കിയ കരാറില് 75 കോടിയ്ക്ക് പദ്ധതി നടപ്പാക്കാമെന്ന് പറയുന്നുണ്ട്; പക്ഷേ പിന്നീട് 232 കോടി രൂപയുടെ പദ്ധതി ആയതെങ്ങനെ? എ.ഐ. ക്യാമറകള് സ്ഥാപിക്കാനുള്ള സംസ്ഥാന സര്ക്കാരിന്റെ പദ്ധതിയില് അടിമുടി ദുരൂഹതയുണ്ടെന്ന് രമേശ് ചെന്നിത്തല
എ.ഐ. ക്യാമറകള് സ്ഥാപിക്കാനുള്ള സംസ്ഥാന സര്ക്കാരിന്റെ പദ്ധതിയില് അടിമുടി ദുരൂഹതയുണ്ടെന്നായിരുന്നു രമേശ് ചെന്നിത്തലയുടെ ആരോപണം . കെല്ട്രോണ് ഉപകരാര് നല്കിയ കമ്പനിക്ക് ഇതില് മുന്പരിചയമില്ല,മാനദണ്ഡങ്ങള് പാലിച്ചിരുന്നോ എന്ന് വ്യക്തമാക്കണമെന്നും ചെന്നിത്തല വ്യക്തമാക്കി . കമ്പനികള് തമ്മിലുണ്ടാക്കിയ കരാറില് 75 കോടിയ്ക്ക് പദ്ധതി നടപ്പാക്കാമെന്ന് പറയുന്നുണ്ട് ,പക്ഷേ പിന്നീട് 232 കോടി രൂപയുടെ പദ്ധതി ആയതെങ്ങനെയെന്നും തൃശൂരില് നടത്തിയ വാര്ത്താസമ്മേളനത്തില് ചെന്നിത്തല ചോദ്യമുന്നയിച്ചു.
ആരും ട്രാഫിക് സുരക്ഷയ്ക്ക് എതിരല്ല. എന്നാൽ അതിന്റെ പേരിൽ അഴിമതി നടത്താൻ അനുവദിക്കില്ല. എല്ലാ രേഖകളും തന്റെ പക്കലുണ്ട് എന്നദ്ദേഹം പറഞ്ഞു . താൻ ചോദിച്ചപ്പോൾ സർക്കാർ തന്നില്ല. എന്നാലിപ്പോൾ എന്റെ കൈയ്യിലുണ്ട്. രേഖകൾ പുറത്ത് വിടാൻ സർക്കാരിന് നാല് ദിവസം സമയം കൊടുക്കും. ഇല്ലെങ്കിൽ താൻ തന്നെ രേഖകൾ പുറത്തുവിടുമെന്നും അദ്ദേഹം തുറന്നടിച്ചു . പദ്ധതി നടപ്പാക്കുന്ന കമ്പനികളെ തെരഞ്ഞെടുത്തതിൽ ക്രമക്കേട് ആരോപിച്ച ചെന്നിത്തല കമ്പനികൾക്ക് മുൻപരിചയമില്ലെന്നും കുറ്റപ്പെടുത്തി. സർക്കാർ പദ്ധതിക്കുള്ള തുക വർധിപ്പിച്ചതിലും ചെന്നിത്തല ദുരൂഹതയാരോപിച്ചു.
https://www.facebook.com/Malayalivartha