കാപ്പാ കേസ് പ്രതി ആർ സു​ഗതനെ പൂട്ടാനൊരുങ്ങി ശബരീനാഥ്.. നിർണായക നീക്കം. വാഴോട്ടുകോണം കൗൺസിലർ ആർ സുഗതന് 31.07.2026 ലെ കൗൺസിൽ യോഗത്തിൽ അവധി നൽകിയ തീരുമാനം കേരള മുനിസിപ്പാലിറ്റി ആക്ട് ചട്ടം 57 പ്രകാരം റദ്ദാക്കാൻ ഗവൺമെന്റിനോട് ശുപാർശ ചെയ്യണമെന്നവശ്യപ്പെട്ട് യു ഡി എഫ് പാർലമെന്ററി പാർട്ടി ലീഡർ അഡ്വ കെ എസ് ശബരിനാഥൻ നഗരസഭ സെക്രട്ടറിക്ക് കത്ത് നൽകി.

തിരഞ്ഞെടുക്കപ്പെട്ട ഏതെങ്കിലും കൗൺസിലർ തുടർച്ചയായ മൂന്ന് കൗൺസിൽ / സ്റ്റാൻഡിങ് കമ്മിറ്റി യോഗങ്ങളിൽ കൗൺസിലിന്റെ അനുവാദം കൂടാതെ ഹാജരാകാതെ ഇരിക്കുന്ന പക്ഷം 1994-ലെ കേരള മുനിസിപ്പാലിറ്റി നിയമം, വകുപ്പ് 91 (കെ) പ്രകാരം കൗൺസിലറായി തുടരുന്നതിന് അയോഗ്യനായി തീരുമെന്ന് വ്യവസ്ഥ ചെയ്തിട്ടുള്ളതിനാൽ ശ്രീ ഡി.സുഗതൻ കേരള സാമൂഹ്യ വിരുദ്ധ പ്രവർത്തനങ്ങൾ (തടയൽ) നിയമം 2007) പ്രകാരം കരുതൽ തടങ്കലിൽ വിയ്യൂർ ജയിലിൽ കഴിയുന്ന തിനാൽ 10-05-2026 ,29-06-2026 ദിവസങ്ങളിലെ കൗൺസിലുകളിൽ അദ്ദേഹം പങ്കെടുക്കാതിരുന്നതിനാൽ അടുത്ത കൗൺസിൽ ദിനമായ 31-05-3026ൽ കൗൺസിലിൽ പങ്കെടുക്കുവാനുള്ള പരോൾ അനുവദിക്കണം എന്നപേക്ഷിച്ചു കത്ത് ജയിൽ വകുപ്പ് മുഖാന്തരം നൽകിയിരുന്നു.

ഈ കത്തിന്റെ അടിസ്ഥാനത്തിൽ ജൂലൈ 31ന് നടന്ന കൗൺസിലിൽ ബഹുമാനപെട്ട മേയർ ശ്രീ വി വി രാജേഷ് കേരള മുനിസിപ്പലറ്റി ചട്ടങ്ങൾക്ക് നിയമവിരുദ്ധമായി പ്രസ്തുത വ്യക്തിക്ക് അവധി നൽകി. എന്നാൽ 04.08.2026 ലെ EM2/133/2026-LSGD നമ്പർ പ്രകാരമുള്ള മറ്റൊരു ഉത്തരവിലൂടെ തദ്ദേശ സ്വയംഭരണ വകുപ്പ് മുൻ ഉത്തരവ് റദ്ദാക്കിയതായും അപ്രകാരം അപേക്ഷകന് കൗൺസിൽ യോഗങ്ങളിൽ പങ്കെടുക്കണമെന്നുള്ള അപേക്ഷ നിരസിക്കുന്നു എന്നുള്ളതും അറിയിച്ചിട്ടുണ്ട് .

ആയതിനാൽ കേരള മുൻസിപ്പാലിറ്റി ആക്ട് ചട്ടം 57 പ്രകാരം 31.07.2026 ൽ എടുത്ത പ്രസ്തുത തീരുമാനം റദ്ദാക്കാൻ ഗവൺമെന്റിനോട് ശുപാർശ ചെയ്യണമെന്ന് നഗരസഭ സെക്രട്ടറിയോട് കത്തിലൂടെ ആവശ്യപ്പെട്ടു.