പി എസ് സി അട്ടിമറിക്കെതിരെയും സമരം ചെയ്യുന്ന റാങ്ക് ഹോൾഡേഴ്‌സിന് ഐക്യ ദാർഡ്യം പ്രഖ്യാപിച്ചും യുവമോർച്ച സെക്രട്ടറിയേറ്റിലേക്ക് നടത്തിയ പ്രതിഷേധ മാർച്ച് ബിജെപി മുൻ സംസ്ഥാന അധ്യക്ഷൻ കെ സുരേന്ദ്രൻ ഉദ്ഘാടനം ചെയ്തു. ബിജെപി സംസ്ഥാന ഉപാധ്യക്ഷൻ അഡ്വ. പി സുധീർ, യുവമോർച്ച സംസ്ഥാന അധ്യക്ഷൻ വി മനുപ്രസാദ്, ബിജെപി തിരുവനന്തപുരം സിറ്റി ജില്ലാ അധ്യക്ഷൻ കരമന ജയൻ,യുവമോർച്ച സംസ്ഥാന ജന സെക്രട്ടറി ഗോകുൽ ഗോപി നാഥ് യുവമോർച്ച ജില്ലാ അധ്യക്ഷൻ വിഷ്ണു,ജില്ല ജന:സെക്രട്ടറിമാരായ എസ്.ശ്രീജിത്ത്‌, രഞ്ജിത്ത് എന്നിവർ മാർച്ചിന് നേതൃത്വം നൽകി.

പി എസ് സിയിലെ അഴിമതിക്കാരെ പുറത്താക്കുക, അന്വേഷണം ഉടൻ കേന്ദ്ര ഏജൻസികൾക്ക് കൈമാറുക, തടഞ്ഞുവെച്ച ഒഴിവുകൾ കൃത്യമായി റിപ്പോർട്ട് ചെയ്ത് സമരം ചെയ്യുന്ന ഉദ്യോഗാർത്ഥികളുടെ ജീവൻ രക്ഷിക്കുക എന്നീ ആവശ്യങ്ങളിൽ നീതി ലഭിക്കും വരെ ഈ സമരത്തിൽ നിന്നും യുവമോർച്ച പിന്നോട്ടില്ലന്നും നേതാക്കൾ പ്രഖ്യാപിച്ചു.