ക്രിസ്ത്യാനികള്ക്കും അവരുടെ സ്ഥാപനങ്ങള്ക്കുമതിരെ നടക്കുന്ന എല്ലാ കൊള്ളരുതായ്മകളേയും മറന്നു കൊണ്ട് ബിഷപ്പുമാര് കൂട്ടത്തോടെ ബിജെപി അനുകൂല നിലപാടുകള് പരസ്യമാക്കിയത് ഇടത് വലതു മുന്നണികളെയും വെട്ടിലാക്കിയിരിക്കുകയാണ്.
നരേന്ദ്രമോദിയും ക്രിസ്തീയ മതമേലധ്യക്ഷന്മാരും തമ്മില് നടത്താന് പോകുന്ന കൂടിക്കാഴ്ചയില് അതീവ സന്തോഷത്തിലാണ് ക്രിസ്തുമത വിശ്വാസികള്. സഭകളുടെ മുന്നോട്ടുള്ള പ്രയാണത്തിന് കേന്ദ്രസര്ക്കാരിന്റെ പിന്തുണ മാത്രം പോരായെന്നും കേ്ന്ദ്രം ഭരിക്കുന്ന ബിജെപിയ്ക്കും അങ്ങോട്ട് സഹായം ചെയ്യണമെന്നുമുള്ള അടിയുറച്ച് ചിന്തയില് നിന്നുയര്ന്നു വന്ന കൂടക്കാഴ്ചയുടെ വിശദാംശങ്ങളറിയാന് രാഷ്ട്രീയ കേരളവും കാത്തിരിക്കുകയാണ്. ക്രിസ്ത്യാനികള്ക്കും അവരുടെ സ്ഥാപനങ്ങള്ക്കുമതിരെ നടക്കുന്ന എല്ലാ കൊള്ളരുതായ്മകളേയും മറന്നു കൊണ്ട് ബിഷപ്പുമാര് കൂട്ടത്തോടെ ബിജെപി അനുകൂല നിലപാടുകള് പരസ്യമാക്കിയത് ഇടത് വലതു മുന്നണികളെയും വെട്ടിലാക്കിയിരിക്കുകയാണ്.
ബിജെപിയുടെ ഈ രാഷ്ട്രീയ ചടുല നീക്കം കണ്ട് അമ്പരന്നിരിക്കുകയാണ് കോണ്ഗ്രസും, ഇടതുപക്ഷവും. പരമ്പരാഗതമായി കിട്ടികൊണ്ടിരുന്ന ക്രൈസ്തവ വോട്ടുകളില് ബിജെപി ആധിപത്യം സ്ഥാപിക്കുന്നത് കണ്ട് നില്ക്കാനേ അവര്ക്ക് കഴിയുന്നുള്ളൂ. കേരളത്തില് എത് മണ്ഡലത്തില് ജയിക്കണമെങ്കിലും ന്യൂനപക്ഷങ്ങളുടെ വോട്ടുകള് നിര്ണ്ണായകാണ്. ഇസ്ലാം ന്യൂനപക്ഷം ബിജെപിയോട് അടുക്കാത്ത സാഹചര്യത്തിലാണ് ക്രൈസ്തവ സഭകളെ കൂടെ കൂട്ടി അതുവഴി മുസ്ലീം ന്യൂനപക്ഷ കോട്ടകളില് കടന്നു കയറാമെന്ന് ബിജെപിയും കരുതുന്നത്. അതും കൂടിയായാല് പ്രധാനമന്ത്രി പറയുന്നതു പോലെ കേരളവും ഭരിക്കുമെന്ന കാലമെത്തുമെന്നും അവര് കണക്ക് കൂട്ടുന്നു.
ക്രൈസ്ത മതമേലധ്യക്ഷന്മാരുമായി കഴിഞ്ഞ മൂന്നുവര്ഷമായി ബിജെപി ചര്ച്ചകള് നടത്തി കൊണ്ടിരിക്കുകയാണ്. എന്താണ് ചര്ച്ചയെന്നത് നേരത്തെ പുറത്തായിരുന്നു. കേരളം ഉള്പ്പടെയുള്ള സംസ്ഥാനങ്ങളിലെ മിഷണറി സ്ഥാപനങ്ങളുടെ വിദേശ സഹായം തന്നെയായിരുന്നു പ്രധാന അജണ്ട. കേരളത്തില് മാത്രം ആറ് ക്രൈസ്ത രൂപതകളുടെ വിദേശ ഫണ്ട് കേന്ദ്ര സര്ക്കാര് 2020 ല് മരവിപ്പിച്ചു. രൂപതകള് കേന്ദ്രത്തിന് നല്കിയ വരവ് ചിലവ് കണക്കുകളില് ഒരിടത്തും ഓപ്പണിംഗ് ബാലന്സും , ക്ലോസിംഗ് ബാലന്സും ഒത്തു പോയിരുന്നില്ല .കണക്കുകളില് കോടികളുടെ വ്യത്യാസം. കേന്ദ്ര ആഭ്യന്തര മന്ത്രാലയം പലവട്ടം കണക്കുകള് പരിശോധിച്ചെങ്കിലും അതിന്റെ നിജസ്ഥിതി കണ്ടെത്താനായില്ല. ബന്ധപ്പെട്ട രൂപതാ ഭാരവാഹികള്ക്ക് നോട്ടീസുകള് നല്കി പലതവണ ഡെല്ഹിയക്ക് വിളിച്ചു വരുത്തിയെങ്കിലും കോടികളുടെ കണക്കുകള് ശരിയാക്കാനായില്ല.
കേരളത്തിലെ ആറ് രൂപതകള്ക്കും 2020 മുതല് ഫണ്ടിംഗ് നിലച്ചിരിക്കുകയാണ്. അന്നു തുടങ്ങിയ ചര്ച്ചകളാണ് ബിജെപി പ്രധാനമന്ത്രിയ്ക്ക് അരമനയില് സ്വീകരണം ഒരുക്കുന്നതിലേയ്ക്ക് വരെ എത്തിച്ചത്. ക്രിസത്യന് മിഷണിമാര് വിദേശ പണം എത്തിച്ച് ഇന്ത്യയില് മതപരിവര്ത്തനം നടത്തുന്നുവെന്ന പഴയ ആര് എസ് എസ്, ബിജെപി സിദ്ധാന്തങ്ങളെല്ലാം ചുരുട്ടികൂട്ടി എറിഞ്ഞു കൊണ്ടാണ് ഇപ്പോള് അരമനകള് കയറിയിറങ്ങുന്നത്.ബിഷപ്പ് പാംപ്ലാനി പെട്ടെന്നൊരു ദിവസം റബ്ബറിന്റെ വിലയില് കയറി തൂങ്ങിയതല്ല.
വര്ഷങ്ങളായി നടക്കുന്ന ആലോചനകളുടെയും ചര്ച്ചകളുടെയും ഫലമായാണ് റബ്ബര് വലിച്ച് രാഷ്ട്രീയ ചര്്ച്ചയ്ക്കിട്ടു കൊടുത്തത്. വിദേശ ഫണ്ടിംഗ് മുടങ്ങിയെന്നുമാത്രമല്ല, ബിഷപ്പുമാരും കര്ദ്ദിനാള്മാരും കേസുകളില് പ്രതിയാകുമെന്നും കൂടി വന്നതോടെ പാംപ്ലാനിയ്ക്ക് ഐക്യദാര്ഡ്യം പ്രഖ്യാപിച്ച് മറ്റുള്ള സഭാധ്യക്ഷന്മാരും രംഗത്തു വന്നു.
കോണ്ഗ്രസിനെ ഞെട്ടിച്ചു കൊണ്ടുള്ള ഏ.കെ.ആന്റണി പുത്രന് അനില് ആന്റണിയുടെ രാഹുല് വിരുദ്ധ പ്രസ്താവനയും ബിജെപിയിലേയ്ക്കുള്ള കൂടുമാറ്റവും ബിഷപ്പുമാരുടെ അനുഗ്രഹത്തോടെയാണ്.ഇപ്പോഴിതാ പുതിയ പാര്ട്ടിയുമായി ജോണി നെല്ലൂരും കൂട്ടരും രംഗത്തിറങ്ങിയിരിക്കുന്നു. അതും വര്ഷങ്ങളുടെ ആലോചനയുടെ മറ്റൊരു പൊട്ടിപ്പുറപ്പെടലായിരുന്നു. മോദിയുടെ കൂടിക്കാഴ്ചയില് റബ്ബര് വിഷയത്തെ മുന്നിറുത്തി സഭകളെ കേന്ദ്രം വിരട്ടുന്ന പ്രശ്നങ്ങള് അവതരിപ്പിച്ച് പരിഹാരം നേടാനാണ് ചര്ച്ചക്കാര് തീരുമാനിച്ചിരിക്കുന്നത്. ഡെല്ഹിയില് നടത്തിയിരുന്ന രഹസ്യ ചര്ച്ചകള് പരസ്യമായി നടത്തുമ്പോള് സഭാംഗങ്ങള് തങ്ങളെടൊപ്പം നില്ക്കുമെന്നുതന്നെയാണ് പുരോഹിതന്മാരും വിശ്വസിക്കുന്നത്. ആ വിശ്വാസത്തിലേയ്ക്ക് എത്തിക്കാനാണ് ബിജെപി കാത്തിരുന്നതും.
ഇടത്, വലതു മുന്നണികളെ തികച്ചും അപ്രസക്തമാക്കി കൊണ്ടും മറ്റുള്ള ഹിന്ദു സമുദായ സംഘടനകളെ പാടെ അവഗണിച്ചു കൊണ്ടും ബിജെപി നടത്തി കൊണ്ടിരിക്കുന്ന ക്രിസ്ത്യന് അധിനിവേശം മുസ്ലീം സമുദായത്തെ മുന്നില് കണ്ടു കൊണ്ടാണെന്നും വ്യക്തം. എ്ന്നാല് ബിജെപിയില് വിലപ്പെട്ട സ്ഥാനമാനങ്ങള് വഹിക്കുന്നവര് സ്വന്തം സ്ഥാനങ്ങള് നിലനിറുത്താനുള്ള തത്രപാടിലാണെന്ന വിവരങ്ങളും പുറത്തു വരുന്നുണ്ട്.
മുന്പ് ബിഡിജെഎസിനെയും കൂറെ ഈഴവ സമുദായക്കാരും പെട്ടിയും കിടക്കയുമായി വന്നപ്പോള് സ്ഥാനങ്ങള് തെറിച്ച പലരുമുണ്ട്. അതുപോലെ ക്രിസ്ത്യാനികള് ചേക്കേറാന് തുടങ്ങിയാല് ബിഷപ്പുമാര് വിലപേശുന്നതനുസരിച്ച് പാര്ട്ടിയിലും സര്ക്കാരിലും സ്ഥാനമാനങ്ങള് നല്കേണ്ടി വരും. അപ്പോള് പാര്ട്ടികെട്ടി ഉയര്ത്താന് ചോരനീരാക്കിയ പലരും അപ്രസക്തരായി പോകുമെയെന്നും അവര് ഭയക്കുന്നത് തികച്ചും ന്യായമാണെന്നു പറയാം. കാരണം ബിഡെജെഎസ് എന്ന മുന് ഉദാഹരണം അവരുടെ മുന്നിലുണ്ട്.
https://www.facebook.com/Malayalivartha