അഴിമതി ആരോപണങ്ങള് ഉയര്ന്നു വരുമ്പോള് സ്വന്തം വിജിലന്സിനെ കൊണ്ട് അന്വേഷിച്ച് തടിതപ്പുന്ന സ്ഥിരം ശൈലിയാണുള്ളത്. നിര്മ്മിത ബുദ്ധി ക്യാമറ സ്ഥാപിച്ച കാര്യത്തിലും അതു തന്നെയാണ് സംഭവിച്ചിരിക്കുന്നതെന്ന് വ്യക്തമാണ്
സിപിഎം കേരള ഘടകവും പിണറായി സര്ക്കാരും കേരളത്തില് നടത്തുന്ന എല്ലാ വികസന പദ്ധതികളുടെ പിന്നിലും വ്യക്തമായ അഴിമതി ലക്ഷ്യമുണ്ടെന്ന വിവരങ്ങളാണ് കുറച്ചു കാലമായി കേരളം ചര്ച്ച ചെയ്യുന്നത്. അതായത് ഏത് പദ്ധതിയായാലും കണ്സള്ട്ടന്സിയായാലും അതിന്റെ പിന്നില് അഴിമതി വ്യക്തമാണ്. അഴിമതി ആരോപണങ്ങള് ഉയര്ന്നു വരുമ്പോള് സ്വന്തം വിജിലന്സിനെ കൊണ്ട് അന്വേഷിച്ച് തടിതപ്പുന്ന സ്ഥിരം ശൈലിയാണുള്ളത്. നിര്മ്മിത ബുദ്ധി ക്യാമറ സ്ഥാപിച്ച കാര്യത്തിലും അതു തന്നെയാണ് സംഭവിച്ചിരിക്കുന്നതെന്ന് വ്യക്തമാണ്. എന്നാല് ഈ അഴിമതി പണം ഉപയോഗിച്ചാണ് ഡെല്ഹിയിലെ എകെജി ഭവന് പ്രവര്ത്തിക്കുന്നതും നേതാക്കള് ജീവിക്കുന്നതെന്നുമുള്ള വിവരങ്ങളും പുറത്തു വന്നു കൊണ്ടിരിക്കുകയാണ്.
നാല്പത്തി നാല് എംപി മാരും രണ്ട് സംസ്ഥാനങ്ങളില് ഭരണവുമുണ്ടായിരുന്ന പാര്ട്ടി ഇപ്പോള് മൂന്ന് എംപിമാരിലും , ഒരു സംസ്ഥാനത്തുമായി ഒതുങ്ങിയിരിക്കുന്നു. സിപിഎം കേന്ദ്രകമ്മിറ്റി ഓഫീസ് പ്രവര്ത്തിപ്പിക്കണമെങ്കില് പണം തന്നെ വേണം. നാട്ടിലിറങ്ങി പിരിക്കാന് പറ്റിയ സ്ഥലം കേരളം മാത്രമേയുള്ളൂ. കേന്ദ്രസര്ക്കാരാണെങ്കില് ഭരണത്തിന്റെ ഏഴയലത്ത് അടുപ്പിക്കുന്നുമില്ല. ഈ സാഹചര്യത്തില് പാര്ട്ടി സംവിധാനം പ്രവര്ത്തിക്കണമെങ്കിലോ, തിരഞ്ഞെടുപ്പുകളില് മത്സരിക്കണമെങ്കിലോ ധാരാളം ചിലവുണ്ട്. കേരള ജനതയില് നിന്ന് പരമാവധി പിഴിഞ്ഞെടുക്കുന്ന തുക ഇവിടെ തന്നെ സഖാക്കള് വീതം വെച്ചെടുക്കുകയാണ്.
എന്നാല് അത് ഭരണ സംവിധാനത്തെ ഉപയോഗപ്പെടുത്തി എങ്ങനെ സമ്പാദിക്കാം എന്ന ചിന്തയില് നിന്നാണ് എ.ഐ ക്യാമറ സംവിധാനം പിറന്നത്. വര്ഷങ്ങളോളം ക്യാമറ പിരിച്ചെടുക്കുന്ന പിഴ തുകയില് നല്ലൊരു പങ്കും കേന്ദ്ര ആസ്ഥാനത്ത് കിട്ടി കൊണ്ടിരിക്കും. ജനങ്ങളുടെ കണ്ണില് ഗതാഗത നിയമലംഘനത്തിന് പിഴ അടയ്ക്കുന്നുവെന്നുമാത്രമേ തോന്നുകയുള്ളൂ. മോട്ടോര് വാഹനവകുപ്പിനോ, സര്ക്കാരിനോ ഗതാഗത നിയമലംഘനങ്ങളില് യാതൊരു റോളുമില്ല. പകരം എല്ലാം നിയന്ത്രിക്കുന്നത് പിണറായി രംഗത്തിറക്കിയിട്ടുള്ള ഈ കമ്പനികളാണ് .സര്ക്കാരിന് വര്ഷം 424 കോടി രൂപ ലഭിക്കുകയും ചെയ്യും. പോളിറ്റ് ബ്യൂറോയും കേന്ദ്ര നേതാക്കളും ജനങ്ങളെ കൊള്ളയടിക്കുന്ന പണത്തിന്റെ വിഹിതം പറ്റി സുഖമായി ജീവിക്കുന്ന സാഹചര്യത്തിലേയക്കാണ് കാര്യങ്ങള് എത്തി നില്ക്കുന്നത്.
പ്രതിപക്ഷം ആരോപണം ഉന്നയിച്ച് ഭരണപക്ഷത്തെ ആക്രമിക്കുന്നുവെന്ന തോന്നലാണ് എ.ഐ ക്യാമറയുടെ കാര്യത്തില് ആദ്യഘട്ടത്തിലുണ്ടായത്. എന്നാല് ഒറ്റ ദിവസം കൊണ്ട് ഫയലുകളെല്ലാം ശരിയാക്കിയ സെക്രട്ടറിയേറ്റ് ജീവനക്കാരുടെ ശുഷ്കാന്തിയെ കുറിച്ചുള്ള വിവരങ്ങള് പുറത്തു വന്നപ്പോഴാണ് അഴിമതിയുടെ നാറിയ കഥകള് തെളിവുകളുടെ രൂപത്തില് എത്തയത്.232.25 കോടി രൂപയുടെ പദ്ധതി നടപ്പിലാക്കാന് സര്ക്കാരില് നിന്നും കരാര് ഏറ്റെടുത്തത് കെല്ട്രോണാണ്.
എന്നാല് രണ്ടു കമ്പനികള്ക്ക് ഉപകരാര് നല്കിയതാകട്ടെ 82.87 രൂപയക്ക്ും .ഈ തുകയ്ക്ക് മുഴുവന് പ്രവൃത്തികളും പൂര്ത്തിയാക്കാനുള്ള ചുമതലയാണ് രണ്ടു കമ്പനികളും ഏറ്റെടുത്തത്.നിര്മ്മിതബുദ്ധി ക്യാമറയ്ക്ക് കെല്ട്രോണ് വിലയിട്ടത് നാലുലക്ഷം രൂപയാണ്.എന്നാല് 1,23,445 രൂപ വിലയുള്ള ക്യാമറകളാണ് വാങ്ങിയതെന്നാണ് രേഖകള് കാണിക്കുന്നത്. 82.87 കോടി രൂപ മാത്രം ചിലവായ പദ്ധതിയ്ക്ക് 232.25 കോടി രൂപയാണ് സര്ക്കാര് വകയിരുത്തിയിരിക്കുന്നത് . മൊത്തത്തില് 149.25 കോടി രൂപയാണ് അഴിമതിയിലൂടെ കിട്ടുന്ന ലാഭം.
എ.ഐ ക്യാമറ വിഷയത്തില് സിപിഎം സഖാക്കളും നേതാക്കളും തികഞ്ഞ മൗനത്തിലാണ്. നേതാക്കളാരും വിഷയത്തില് ഇടപെട്ട് സംസാരിക്കരുതെന്ന് സെക്രട്ടറി എം.വി.ഗോവിന്ദന് കര്ശന നിര്ദ്ദേശം നല്കിയിരിക്കുകയാണ്. ആരോപണങ്ങളെല്ലാം പ്രതിപക്ഷം ഉന്നയിക്കുന്നതാണെന്ന് പതിവ് പല്ലവി ആവര്ത്തിക്കുകയും ചെയ്യുന്നു. ലൈഫ് മിഷന് കോഴക്കേസ്, സ്വര്ണ്ണക്കടത്ത്, ഡോളര് കടത്ത്.ബിരിയാണി ചെമ്പ്, കെ.ഫോണ് വിവാദം ഇപ്പോഴിതാ ക്യാമറ അഴിമതിയും പുറത്തു വന്നിരിക്കുന്നു.
ഇത്രയും രൂക്ഷമായ അഴിമതി ആരോപണങ്ങള് പുറത്തു വന്നിട്ടും കമായെന്നൊരക്ഷരം മിണ്ടാത്ത സിപിഎം കേന്ദ്ര നേതാക്കളെ കുറിച്ചാണ് ഇപ്പോള് ചര്ച്ചയായിരിക്കുന്നത്. കേരളത്തിന്റെ ദയാദാക്ഷിണ്യത്തില് കഴിയുന്നവരാണ് കേന്ദ്ര നേതാക്കളെന്ന പരിഹാസവും ഉയരുന്നുണ്ട്. വി.എസ് മുഖ്യമന്ത്രിയായിരുന്ന കാലത്ത് അവെയ്ലബിള് പോളിറ്റ് ബ്യൂറോ ഉള്പ്പടെ കൂടി ഭരണത്തില് നിരന്തരം ഇടപെട്ടിരുന്ന പോളിറ്റ് ബ്യൂറോയെ മഷിയിട്ടു നോക്കിയാല് പോലും കാണാനില്ലെന്ന കമന്റുകളും സോഷ്യല് മീഡിയയില് സജീവമാണ്.
എല്ലാംകൂടി ഒത്തു വായിക്കുമ്പോള് കേരളത്തിലെ സഖാക്കളുടെ അധ്വാനം ഡെല്ഹി എകെജി ഭവന് പ്രവര്ത്തനത്തിനാണോയെന്ന സംശയം സ്വാഭാവികമാണ്. എന്തായാലും കേരളത്തിലെ പ്രശ്നങ്ങളില് നിന്ന് ഒളിച്ചോടുന്ന കേന്ദ്ര നേതാക്കളുടെ അവസ്ഥ പരിതാപകരം തന്നെയാണ്. കേരളത്തില് പിണറായി വിജയന്റെയും കൂട്ടരുടെയും ഇഷ്ടത്തിന് വിട്ടിരിക്കുന്നതിന് പിന്നിലും സാമ്പത്തിക താല്പര്യം തന്നെയെന്ന് പറയാം. പോളിറ്റ് ബ്യൂറോ കൂടുമ്പോള് പോലും കേരള വിഷയങ്ങളൊന്നും ചര്ച്ച ചെയ്യാറില്ലെന്നെതും ശ്ര്ദ്ധേയമാണ്.
https://www.facebook.com/Malayalivartha