ചോദ്യങ്ങള്ക്ക് മുഖ്യമന്ത്രിയ്ക്ക് മറുപടിയില്ല; രേഖകളുടെ പിന്ബലത്തിലാണ് പ്രതിപക്ഷം ആരോപണം ഉന്നയിച്ചത്; പഴയ വിജയനായാലും പുതിയതായാലും മറുപടി കിട്ടിയാല് മതി; മുഖ്യമന്ത്രി ആകാശവാണിയായിട്ടാണ് സംസാരിക്കുന്നതെന്ന് പ്രതിപക്ഷ നേതാവ് വിഡി സതീശന്
മുഖ്യമന്ത്രി ആകാശവാണി ആയിട്ടാണ് സംസാരിക്കുന്നതെന്ന് പ്രതിപക്ഷ നേതാവ് വിഡി സതീശന് പറഞ്ഞു . ചോദ്യങ്ങള്ക്ക് മുഖ്യമന്ത്രിയ്ക്ക് മറുപടിയില്ല. രേഖകളുടെ പിന്ബലത്തിലാണ് പ്രതിപക്ഷം ആരോപണം ഉന്നയിച്ചത്. പഴയ വിജയനായാലും പുതിയതായാലും മറുപടി കിട്ടിയാല് മതി. കെല്ട്രോണിനെ സംബന്ധിച്ചുള്ള കാര്യങ്ങളും അന്വേഷിക്കണം. എഐ കാമറ പദ്ധതിയുടെ എസ്റ്റിമേറ്റ് ഫിക്സ് ചെയ്ത അന്ന് മുതല് അഴിമതിയാണ് . 40 കോടിയ്ക്ക് താഴെ തീരേണ്ട പദ്ധതിയാണിത്.
ഈ കാമറയില് ഒരു ആര്ട്ടിഫിഷ്യല് ഇന്റലിജന്സും ഇല്ല. പേര് മാത്രമേ ഉള്ളൂ. സുപ്രധാനമായ 7 ചോദ്യങ്ങള് സംബന്ധിച്ച് മന്ത്രിയ്ക്ക് മറുപടി പറയാന് പറ്റുന്നുണ്ടോ? ഒന്നുകൂടി വെല്ലുവിളിക്കുന്നു, ഞങ്ങള് കൊണ്ടുവന്ന രേഖ തെറ്റാണെന്ന് പറയാന് ആര്ക്കെങ്കിലും സാധിക്കുമോ?. കഴിഞ്ഞകാലത്ത് പ്രതിപക്ഷം ഉന്നയിച്ച ആരോപണങ്ങള്ക്ക് അടിസ്ഥാനമായ ഒരു പദ്ധതിയും നടപ്പായില്ല. ശിവശങ്കറിനെ പോലുള്ള ഒരാളെ വെച്ചു കൊണ്ടാണ് എല്ലാ പരിപാടികളും. നികുതി ഭീകരതയാണ് കേരളത്തില് നടക്കുന്നതെന്നും അദ്ദേഹം പറഞ്ഞു.
https://www.facebook.com/Malayalivartha