കൃഷി മന്ത്രിയുമായ പി പ്രസാദിൻ്റെ മാവേലിക്കര ചാരുംമൂട്ടിലുള്ള വീടിന് മുന്നിൽ ബിജെപി ആലപ്പുഴ സൗത്ത് ജില്ലാ കമ്മിറ്റിയുടെ നേതൃത്വത്തിൽ ഭാരത് മാതാ പൂജ നടത്തി. കാര്യങ്ങൾ കൈ വിട്ട് പോകാതിരിക്കാൻ പൊലീസും ജാഗ്രത പാലിച്ചുവെന്ന് സന്ദീപ് വാചസ്പതി വ്യക്തമാക്കി. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;-  

 
ഭാരതാംബയ്ക്ക് പുഷ്പാർച്ചന നടത്താൻ തയ്യാറാകാത്ത സിപിഐ നേതാവും കൃഷി മന്ത്രിയുമായ പി പ്രസാദിൻ്റെ മാവേലിക്കര ചാരുംമൂട്ടിലുള്ള വീടിന് മുന്നിൽ ബിജെപി ആലപ്പുഴ സൗത്ത് ജില്ലാ കമ്മിറ്റിയുടെ നേതൃത്വത്തിൽ ഭാരത് മാതാ പൂജ നടത്തി. സമാധാനപരമായി പരിപാടി നടത്താൻ എത്തിയ പ്രവർത്തകരെ എസ്ഡിപിഐ ഗുണ്ടകളുടെ സഹായത്തോടെ സിപിഐ പ്രവർത്തകർ തടയാൻ ശ്രമിച്ചത് ചെറിയ സംഘർഷാവസ്ഥ സൃഷ്ടിച്ചു.

 പ്രകോപനപരമായി മുദ്രാവാക്യം വിളിച്ചും അസഭ്യം പറഞ്ഞും പ്രകോപിപ്പിക്കാനാണ് ഗുണ്ടാസംഘം ശ്രമിച്ചത്. വിട്ടുകൊടുക്കില്ല എന്ന നിലപാട് സ്വീകരിച്ച ബിജെപി പ്രവർത്തകർ വീടിന് മുന്നിൽ തന്നെ ഭാരതാംബയുടെ ചിത്രത്തിന് മുന്നിൽ പുഷ്പാർച്ചന നടത്തി. കാര്യങ്ങൾ കൈ വിട്ട് പോകാതിരിക്കാൻ പൊലീസും ജാഗ്രത പാലിച്ചു.

രാഷ്ട്ര സ്നേഹം ഡിഎൻഎയിൽ ഇല്ലാത്തതാണ് ഇടത് പക്ഷതിന് ഭാരത മാതാവ് എന്ന് കേൾക്കുമ്പോൾ ഓക്കാനം വരാൻ കാരണം. സ്വാതന്ത്ര്യ സമരത്തെ ഒറ്റു കൊടുത്തവരുടെ പിൻഗാമികൾക്ക് ഇങ്ങനെ മാത്രമേ പെരുമാറാൻ സാധിക്കൂ. എസ്ഡിപിഐയുടെ അച്ചാരം വാങ്ങിയാണ് മന്ത്രി പി പ്രസാദ് പ്രവർത്തിക്കുന്നത്. അവരുടെ നല്ല സർട്ടിഫിക്കറ്റ് കിട്ടാൻ രാജ്യത്തെ അവഹേളിക്കുന്ന പരിപാടിയാണ് അവസാനിപ്പിക്കണം. ഇല്ലെങ്കിൽ ദേശസ്നേഹികളുടെ രോഷത്തിന് ഇനിയും മന്ത്രിക്ക് ഇരയാകേണ്ടി വരും. അതിന് മുൻപ് മാപ്പ് പറയാൻ മന്ത്രി തയ്യാറാകണം.

മേഖല അധ്യക്ഷൻ കെ സോമൻ, ജില്ലാ ജനറൽ സെക്രട്ടറിമാരായ അഡ്വ കെകെ അനൂപ്, പി ബി അഭിലാഷ് കുമാർ, കൃഷ്ണകുമാർ രാംദാസ്, ചാരുംമൂട് മണ്ഡലം പ്രസിഡൻ്റ് കെ സഞ്ജു, ജില്ലാ ഉപാധ്യക്ഷൻ ഡി. വിനോദ് കുമാർ, സെക്രട്ടറിമാരായ സതീഷ് ചെറുവല്ലൂർ, കെ.എസ് വിനോദ്, അഡ്വ കെ.വി അരുൺ, കെ. രാജേന്ദ്രൻ, ചാരുംമൂട് മണ്ഡലം മുൻ അധ്യക്ഷൻ പ്രഭകുമാർ മുകളയ്യത്ത്, ജില്ലാ ട്രഷറർ അനിൽ വള്ളികുന്നം, മീഡിയ കൺവീനർ അഡ്വ പിയൂഷ്, മണ്ഡലം ജനറൽ സെക്രട്ടറി ശ്രീമോൻ നെടിയത്ത്, യുവോർച്ച സംസ്ഥാന സെക്രട്ടറി ശ്യാം കൃഷ്ണൻ, തുടങ്ങിയവർ പങ്കെടുത്തു