എൽ.ഡി.എഫ് സർക്കാരിൻ്റെ മരണമണി മുഴങ്ങുന്നുവെന്ന് കോൺഗ്രസ് നേതാവ് ചെറിയാൻ ഫിലിപ്പ് . നിലമ്പൂർ ഉപതിരഞ്ഞെടുപ്പിൽ യു ഡി എഫ് സ്ഥാനാർത്ഥിയുടെ വിജയം ഉറപ്പിച്ചതോടെയാണ് അദ്ദേഹത്തിന്റെ പ്രതിരണം. ചെറിയാൻ ഫിലിപ്പിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

നിലമ്പൂരിലെ യു.ഡി.എഫ് മുന്നേറ്റത്തോടെ എൽ.ഡി.എഫ് സർക്കാരിൻ്റെ മരണമണി മുഴങ്ങുകയാണ്.
നിലമ്പൂരിൽ നിന്നും എൽ.ഡി.എഫിൻ്റെ കൗണ്ട്ഡൗൺ തുടങ്ങിയിരിക്കുന്നു. അടുത്ത തദ്ദേശ,നിയമസഭാ തെരഞ്ഞെടുപ്പുകളിൽ ഭരണ വിരുദ്ധ വികാരം പ്രതിഫലിക്കും.

യു.ഡി.എഫിൻ്റെയും കോൺഗ്രസിൻ്റെയും ഐക്യത്തിൻ്റെ വിജയമാണ് നിലമ്പൂരിൽ ഉണ്ടായത്. ചിട്ടയായ പ്രവർത്തനം കാഴ്ചവെയ്ക്കുന്നതിൽ കോൺഗ്രസിനൊപ്പം മുസ്ലീം ലീഗും സജീവ പങ്കാളിത്തം വഹിച്ചിരുന്നു.