പാലക്കാട് രാഹുൽ മാങ്കൂട്ടത്തിനെതിരെ വിളംബര പ്രതിഷേധവുമായി ഡിവൈഎഫ്‌ഐ. രാഹുൽ മാങ്കൂട്ടത്തിൽ ഇറങ്ങിയിട്ടുണ്ട്, അമ്മ പെങ്ങൻമാർ സൂക്ഷിക്കുക എന്നടക്കം വിളിച്ചുപറഞ്ഞായിരുന്നു പ്രതിഷേധം അരങ്ങേറിയത്.

ലൈംഗികാരോപണം ഉയർന്ന് 38 ദിവസത്തിന് ശേഷമായിരുന്നു രാഹുൽ പാലക്കാട് എത്തിയത്. കഴിഞ്ഞ മാസം 17-നാണ് രാഹുൽ മണ്ഡലത്തിൽ അവസാനമായി എത്തിയത്. രാഹുലിന്റെ വാഹനത്തിൽ നിന്ന് എംഎൽഎ ബോർഡ് നീക്കുകയും ചെയ്തു.

കുന്നത്തൂർ മേട്ടിലെ രണ്ട് മരണവീടുകളിലായിരുന്നു രാഹുൽ ആദ്യം സന്ദർശനം നടത്തിയത്. കടകളിലും എംഎൽഎ ഓഫീസിന് സമീപമുള്ള വീടുകളിലും കയറി രാഹുൽ ആളുകളുമായി സംസാരിച്ചു.