വട്ടിയൂർക്കാവ് നിയോജകമണ്ഡലത്തിൽ പുതിയ ഫയർ സ്റ്റേഷന് ആരംഭിക്കുന്നതിനും നിലവിലുള്ള പൊലീസ് സ്റ്റേഷന് പുതിയ കെട്ടിടം പണിയുന്നതിനുമുള്ള നടപടികൾ വേഗത്തിലാക്കുമെന്ന് ആരോഗ്യ ദേവസ്വം മന്ത്രി കെ.മുരളീധരൻ അറിയിച്ചു.

വട്ടിയൂർക്കാവിന്റെ വികസനപ്രവർത്തനങ്ങളുമായി ബന്ധപ്പെട്ട് ഫെഡറേഷൻ ഓഫ് റസിഡൻസ് അസോസിയേഷൻ വട്ടിയൂർക്കാവ് (ഫ്രാവ്) ഭാരവാഹികളുമായി നടത്തിയ യോഗത്തിലാണ് മന്ത്രി ഇക്കാര്യം അറിയിച്ചത്.

നെട്ടയം ഇരുകുന്നത്ത് കാടുകയറികിടക്കുന്ന ഹൗസിംങ് ബോർഡ് വക സ്ഥലം ഉൾപ്പെടെ ഫയർ സ്റ്റേഷന് വേണ്ടിപരിഗണിക്കാമെന്ന അഭിപ്രായമാണ് ഫ്രാവ് ഭാരവാഹികൾ മുന്നോട്ടുവച്ചത്. ഭവനിർമ്മാണ വകുപ്പ് മന്ത്രിയുമായി ഇക്കാര്യം ചർച്ചചെയ്യാമെന്ന് മന്ത്രി കെ.മുരളീധരൻ വ്യക്തമാക്കി.