കഴിഞ്ഞ കുറച്ച് ​ദിവസങ്ങളാണ് കോൺ​ഗ്രസ് നേതാക്കൾ നടത്തുന്ന പ്രവർത്തനങ്ങളും പരാമർശങ്ങളും വലിയ വിവാദങ്ങൾക്കാണ് ഇടംപിടിക്കുന്നത്. കേരളം ഏറ്റവും വലിയ പ്രതിസന്ധിഘട്ടത്തിലൂടെ കടന്ന് പോയപ്പോൾ സൽക്കാര വിരുന്നിൽ പങ്കെടുത്ത മുഖ്യമന്ത്രി വിഡി സതീശൻ നടപടിയും കേരളത്തിലെ സ്ത്രീകൾക്ക് എല്ലാവർക്കുമായി ഉറപ്പാക്കിയ പ്രിയ ദർശിനി പദ്ധതിയിൽ സ്ത്രീകളെ പരി​ഹസിച്ച ​ഗതാ​ഗത മന്ത്രി സിപി ജോണിന്റെ പരാമർശവും എല്ലാം അക്കൂട്ടത്തിൽ ചിലതാണ്. എന്നാൽ ഇത് കൊണ്ടൊന്നും തീർന്നില്ല..

കേരളത്തിലെ ദുരിതാശ്വ പ്രശ്നങ്ങൾ ബാലിശ വിഷയമെന്ന് പരിഹാസിച്ച മാധ്യമ പ്രവർത്തകരോട് സംസാരിച്ച എംപി കെസി വേണു​ഗോപാലിന്റെ രീതികളും അക്കൂട്ടത്തിലേക്ക് വന്നിരിക്കുകയാണ്. കേരളത്തിലെ ദുരിതാശ്വാസ പ്രശ്നങ്ങൾ സംബന്ധിച്ച മാധ്യമങ്ങളുടെ ചോദ്യങ്ങളോട് മുഖംതിരിച്ച് കെ സി വേണു​ഗോപാൽ എംപി പോയത് വലിയ രാഷ്ട്രീയ വിവാദമായി മാറിയിരിക്കുകയാണ് ഇപ്പോൾ.

ദുരിതാശ്വാസ ക്വാമ്പുകളിൽ നിന്ന് റിപ്പോർട്ട് ചെയ്യപ്പെടുന്ന് പ്രശ്നങ്ങൾ ചൂണ്ടിക്കാണിച്ച് മാധ്യമ പ്രവർത്തകർ ചോദിച്ച ചോദ്യങ്ങളെ ബാലിശമായ ആരോപണങ്ങളിൽ പ്രതികരിക്കാനില്ലെന്ന് പറഞ്ഞായിരുന്നു കെ സി വേണു​ഗോപാൽ പ്രതികരിച്ചത്. എന്നാൽ ഇത് വലിയ വിവാദമായി.

കേരളത്തിലെ മഴക്കെടുതി ഒരു പ്രധാന വിഷയമായി എംപിയ്ക്ക് തോന്നിയില്ലേ എന്നതാണ് ഏറ്റവും പ്രധാനപ്പെട്ട ചോദ്യം.25 പേർക്ക് ജീവൻ നഷ്ടമായ മഴക്കെടുതിയിൽ . നിരവധി വീടുകൾ നിലപതിച്ചു, എത്രയോ വീടുകൾ വെള്ളത്തിനടിയിലായി. നിരവധി പേ‌ർ ദുരിതാശ്വാസ ക്യാമ്പുകളിലാണ് കഴിയുന്നത്. ഇതൊന്നും ​കെ സി വേണു​ഗോപാലിനെ അലട്ടുന്ന പ്രശ്നമേയല്ല.

ദേശീയ വിഷയങ്ങളിൽ പ്രതികരിക്കാനാണ് താത്പര്യമെന്നും എംപി പ്രതികരിച്ചു. ദുരിതാശ്വാസ ക്യാമ്പുകളിലും നിരവധി പ്രശ്നങ്ങളുണ്ട്. ആവശ്യത്തിന് സൗകര്യമോ വെള്ളമോ വെളിച്ചമോ ഭക്ഷണമോ മാറാൻ വസ്ത്രമോ പല ക്യാമ്പുകളിലുമില്ല. എന്നാൽ ഇതിലൊന്നും പ്രതികരിക്കാൻ കോൺ​ഗ്രസിന്റെ മുതിർന്ന നേതാവിന് താത്പര്യമില്ല എന്നത് വലിയ വിമർശനങ്ങൾക്കാണ് ഇപ്പോൾ ഇടവരുത്തിയിരിക്കുന്നത്.