പാര്ട്ടി ചാനലിനെ ലാഭത്തിലാക്കാന് ആഭ്യന്തര മന്ത്രി ഷാര്ജ പോലീസുമായി കരാറുണ്ടാക്കി
നഷ്ടത്തിലേക്ക് കൂപ്പു കുത്തുന്ന പാര്ട്ടി ചാനലായ ജയ് ഹിന്ദിനെ ലാഭത്തിലെത്തിക്കുന്നതിന്റെ ഭാഗമായി ആഭ്യന്തര മന്ത്രി രമേശ് ചെന്നിത്തലയുടെ ഇടപെടല് വിവാദമാകുന്നു. ആഭ്യന്തര മന്ത്രി എന്ന നിലയില് സ്വന്തം പാര്ട്ടി ചാനലിനായി വിദേശത്ത് കരാറുണ്ടാക്കിയ ചെന്നിത്തലയ്ക്കെതിരെ വിവാദം പൊടിപൊടിക്കുന്നു. ചെന്നിത്തലയുടെ നടപടികള് മുഖ്യധാരാ പത്രങ്ങളും ഏറ്റെടുത്തു കഴിഞ്ഞു.
ഷാര്ജ പോലീസിന്റെ നയങ്ങള് ജയ്ഹിന്ദ് ചാനലിലൂടെ കേരള ജനതയെ കാണിക്കാനാണ് രമേശ് ചെന്നിത്തല കരാറിലേര്പ്പെട്ടത്. കഴിഞ്ഞ ദിവസം ഷാര്ജ സന്ദര്ശിച്ചപ്പോഴാണ് പോലീസ് കമാന്ഡര് ഇന് ചീഫ് ഹുമൈദ് അല് ഹുദൈദിയുമായി മന്ത്രി കരാറില് ഏര്പ്പെട്ട് ധാരണാ പത്രം കൈമാറിയത്. വന് സാമ്പത്തിക സഹായം കോണ്ഗ്രസിന്റെ ജയ്ഹിന്ദ് ചാനലിന് ഷാര്ജ പോലീസില് നിന്ന് ലഭിക്കുമെന്നാണറിയുന്നത്.
ഷാര്ജ പോലീസിന്റെ ബോധവത്കരണ പരിപാടികളും നയങ്ങളും പരിഷ്കാരങ്ങളും സംപ്രേഷണം ചെയ്യുന്നതിനുള്ള സാമ്പത്തിക സഹായം അവര് നല്കും.
സംസ്ഥാന മന്ത്രിമാര് സര്ക്കാരിതര കരാറില് നിന്നും ഒഴിഞ്ഞു നില്ക്കണമെന്നു ഭരണഘടന നിര്ദേശിക്കുന്നുണ്ട്. കേന്ദ്ര ആഭ്യന്തര മന്ത്രാലയത്തിന്റെ നിയമങ്ങളും ചട്ടങ്ങളും ഇതനുവദിക്കുന്നില്ല.
മന്ത്രിമാര് വിദേശ യാത്ര നടത്തുമ്പോള് മുഖ്യമന്ത്രിയില് നിന്നു ലഭിക്കുന്ന നിര്ദേശം അനുസരിച്ചേ ചടങ്ങുകളില് സംബന്ധിക്കാന് പാടുള്ളൂവെന്നും വ്യവസ്ഥയുണ്ട്. രാജ്യത്ത് രജിസ്റ്റര് ചെയ്തു പ്രവര്ത്തിക്കുന്ന ഏതെങ്കിലും ചാനലിനു മറ്റു രാജ്യങ്ങളിലെ സൈനിക വിഭാഗങ്ങളുമായോ പോലീസുമായോ കരാറില് ഏര്പ്പെടാന് നിയമം അനുവദിക്കുന്നില്ല.
മാത്രമല്ല, അവരുടെ ആശയ പ്രചാരണത്തിന്റെ ചുമതല ഏറ്റെടുക്കുക എന്നത് ആഭ്യന്തര സുരക്ഷാ നിയമപ്രകാരം കുറ്റകരവുമാണ്. ഷാര്ജ പോലീസുമായിട്ടുള്ള കരാറിനു കേന്ദ്ര ആഭ്യന്തരവകുപ്പിന്റെ അനുമതി ഇല്ലെന്നും അറിയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha