വീടിനകത്ത്‌ വീണ് തലയ്ക്ക് പരിക്കേറ്റ്‌ ഒമാനിൽ ചികിത്സയിലായിരുന്ന മലയാളി അന്തരിച്ചു. കൊല്ലം കുണ്ടറ പെരുമ്പുഴ കേരളപുരം മാളിയേക്കൽ കുടുംബാംഗം പരേതനായ ജോൺ ടി പണിക്കരുടെ മകൻ തോമസ് പണിക്കരാണ്‌ (43) മരിച്ചത്‌.

മസ്‌കത്തിലെ സുൽത്താൻ ഖാബൂസ് ആശുപത്രിയിൽ ചികിത്സയിലിരിക്കെയാണ്‌ അന്ത്യം. ഒമാനിലെ മോഡേൺ എക്സ്ചേഞ്ച് ബർക്ക ​ബ്രാഞ്ച് മാനേജറായിരുന്നു.യുഎസിൽ ജോലിചെയ്യുന്ന ഇരട്ട സഹോദരൻ ടിറ്റോ മരണവിവരമറിഞ്ഞ് ഒമാനിലെത്തി. നടപടിക്രമങ്ങൾ പൂർത്തിയാക്കി മൃതദേഹം വ്യാഴാഴ്ച രാവിലെയോടെ നാട്ടിലേക്ക് കൊണ്ടുപോകും.

വൈകുന്നേരം കുണ്ടറ സെന്റ് തോമസ് ഓർത്തഡോക്സ് വലിയ പള്ളി സെമിത്തേരിയിൽ സംസ്‌കരിക്കുമെന്നും ബന്ധുക്കൾ . അമ്മ: അന്നമ്മ തോമസ്‌. ഭാര്യ: സ്റ്റെഫാനോ. ഒരു മകളുണ്ട്.

 "