ജോയ് അറക്കലിന്റെ മരണം ആത്മഹത്യഎന്ന ഉറപ്പിച്ച് ദുബായ് പോലീസ്! കുറച്ച് ദിവസങ്ങളായി കടുത്ത മനോവിഷമത്തിലായിരുന്നു... ജോയ് അറക്കലിന്റെ മരണത്തിന് പിന്നാലെ കുടുംബ സുഹൃത്തിന്റെ വെളിപ്പെടുത്തൽ...
കഴിഞ്ഞ ദിവസമായിരുന്നു പ്രവാസി വ്യവസായി ജോയ് അറക്കലിന്റെ മരണം പുറത്ത് വന്നത്. ഇപ്പോഴിതാ അദ്ദേഹത്തിന്റേത് ആത്മഹത്യ എന്ന്സ്ഥിരീകരിച്ചിരിക്കുകയാണ് ദുബായ് പോലീസ്.
23ന് ദുബായ് ബിസിനസ് ബേയിലെ കെട്ടിടത്തിന്റെ 14-ാം നിലയില് നിന്ന് ചാടി ജീവനൊടുക്കുകയായിരുന്നെന്നും മരണത്തില് ദുരൂഹതകളൊന്നുമില്ലെന്നും ബര്ദുബായ് പൊലീസ് സ്റ്റേഷന് ഡയറക്ടര് ബ്രി.അബ്ദുല്ല ഖാദിം ബിന് സുറൂര് അറിയിച്ചു.
ബിസിനസ്സ് ബേയിലെ ഓഫിസില് ഉച്ചക്ക് 12ന് ഉദ്യോഗസ്ഥരുടെ യോഗം വച്ചിരുന്നെങ്കിലും അതിനു തൊട്ടുമുമ്ബായിരുന്നു മരണം. പുതിയ എണ്ണ ശുദ്ധീകരണ കമ്ബനിയുടെ പൂര്ത്തീകരണത്തിലെ കാലതാമസം ജോയിക്കു മനോവിഷമം ഉണ്ടാക്കിയിരുന്നതായി കുടുംബ സുഹൃത്ത് വെളിപ്പെടുത്തി.
പെട്രോളിന്റെ വിലയിടവില് നേരിയ നഷ്ടമുണ്ടായെങ്കിലും അടുത്തമൂന്നു മാസത്തിനുള്ളില് അതിന്റെ നഷ്ടം തീരുമെന്നും അദ്ദേഹം ഉറപ്പിച്ച് പറഞ്ഞിരുന്നു.
എന്നാല് പുതിയ പദ്ധതിയുടെ കാലതാമസം അദ്ദേഹത്തെ തളര്ത്തിയെന്നും സുഹൃത്ത് പറയുന്നു. മൃതദേഹം നാട്ടിലേയ്ക്ക് കൊണ്ടുപോകാനുള്ള നടപടികള് നടക്കുകയാണ്. ചാര്ട്ടേര്ഡ് വിമാനത്തില് കൊണ്ടുപോകുന്ന മൃതദേഹത്തെ കുടുംബവും അനുഗമിക്കും.
യുഎഇ വിദേശകാര്യ, രാജ്യാന്തര സഹകരണ മന്ത്രാലയത്തില് നിന്ന് അനുമതി ലഭിച്ചാലുടന് മൃതേദഹം കൊഴിക്കോടേക്ക് കൊണ്ടുപോകും. അവിടെ നിന്ന് വയനാട് മാനന്തവാടിയിലെത്തിക്കും.
https://www.facebook.com/Malayalivartha