ഗൾഫിൽമലയാളിയെ മർദിച്ചത് മലയാളിയായ അസി; വീഡിയോ ഷൂട്ട് ചെയ്തത് അനീഷ്; ക്രിമിനലുകളെ വെളിപ്പെടുത്തി പ്രവാസികള്‍; പ്രതികൾക്കെതിരെ എംബസി മുതല്‍ പോലീസില്‍ വരെ പരാതി
പ്രധാനമന്ത്രി നരേന്ദ്രമോദി ഗള്‍ഫില്‍ എത്തിയ വീഡിയോ ഷെയര്‍ ചെയ്ത പ്രവാസിയെ കുവൈറ്റില്‍ വെച്ച്‌ ചിലർ മർദിച്ചു എന്ന പരാതി ഉയർന്നിരുന്നു. പ്രവീൺ എന്ന പ്രവാസിയെ മര്ദിച്ചവർക്കെതിരെ നിയമനടപടിയുമായി വിവിധ സംഘടനകള്‍ രംഗത്തെത്തിയിരിക്കുകയാണ് . നരേന്ദ്ര മോദി ഗള്‍ഫില്‍ എത്തുന്ന വീഡിയോ ഷെയര്‍ ചെയ്തതിനാണ് പ്രവാസിയായ വടകര സ്വദേശി പ്രവീണിനെ മലായാളികളായ ചിലർ ക്യാമ്പില്‍ കയറി മര്‍ദ്ദിച്ചത് എന്നായിരുന്നു ആരോപണം. . ഇതിന്റെ വീഡിയോ എടുത്ത് ഈ ക്രിമിനലുകള്‍ തന്നെ പ്രചരിപ്പിക്കുകയും ചെയ്തിരുന്നു.
കാഞ്ഞങ്ങാട് ചുള്ളിക്കാരന്‍ അസിയെന്ന ആളാണ് പ്രവീണിനെ ലേബര്‍ ക്യാമ്പില്‍ കയറി തല്ലിയത്. ഈ വീഡിയോ ഷൂട്ട് ചെയ്തത് കൊല്ലം അഞ്ചല്‍ സ്വദേശിയായ അനീഷ് തടിക്കാടാണെന്നും കുവൈറ്റിലെ പ്രവാസികള്‍ പറയുന്നു. പോസ്റ്റ് ഷെയര്‍ ചെയ്തതിന്റെ പേരില്‍ മാപ്പ് പറയിക്കുകയും പോസ്റ്റ് ഡിലീറ്റ് ചെയ്യിക്കുകയും ചെയ്ത ശേഷമായിരുന്നു പ്രവീണിനെ ഇവര്‍ ക്രൂര മായി മര്‍ദ്ദിച്ചതെന്ന് പ്രവാസികള്‍ പറഞ്ഞു.
സംഭവത്തില്‍ കുവൈറ്റിലെ ഇന്ത്യന്‍ എംബസിക്കും പരാതികള്‍ നല്‍കിയിട്ടുണ്ട്. അക്രമികളായ ക്രിമിനലുകള്‍ ഏതുകമ്പനിയിലാണ് ജോലി ചെയ്യുന്നതെന്ന് അന്വേഷണം തുടങ്ങിയിട്ടുണ്ട്. ഒരു ഗ്രൂപ്പിന്റെ ആഹ്വാന പ്രകാരമാണ് ഇവര്‍ പ്രവീണിനെ തെഴിലാളി ക്യാമ്പില്‍ കയറി തല്ലിയത് എന്നാണ് ഉയരുന്ന ആരോപണം.. എസ്ഡിപിഐക്കാരും സിപിഎമ്മുകാരും അടങ്ങിയതാണ് ഈ വാട്‌സ്ആപ്പ് ഗ്രൂപ്പ് എന്നും പറയപ്പെടുന്നുണ്ട്. .
ഇവരാണ് ഹിന്ദുക്കളായ പ്രവാസികളെ തെരഞ്ഞ് പിടിച്ച് ആക്രമിക്കാന്‍ ആഹ്വാനം ചെയ്തിരിക്കുന്നത്. ഇതിന്റെ ഒരു ഇരമാത്രമാണ് പ്രവീണ്‍. മറ്റുള്ള ക്രിമിനലുകളുടെ വിവരം കൂടി ലഭിച്ചാല്‍ കുവൈറ്റില്‍ പോലീസില്‍ പരാതി നല്‍കുമെന്ന് എന്‍ആര്‍എ സെല്‍ വ്യക്തമാക്കി. പ്രവീണിനെ മര്‍ദ്ദിച്ച കാസര്‍ഗോഡ് രാജപുരം കാഞ്ഞിരത്തട്ടി വീട്ടില്‍ അസി ചുള്ളിക്കരക്കെതിരെ രാഷ്ട്രപതിയെ അപമാനിച്ചതിന് ഡിജിപിക്കും പരാതി നല്‍കിയിട്ടുണ്ട്.
കുവൈറ്റില്‍ പ്രവീണിനെ അക്രമിച്ച ക്രിമിനലുകള്‍ക്കെതിരെ ക്രിമിനല്‍ നടപടി ക്രമം സെക്ഷന്‍ 188 പ്രകാരം കേന്ദ്ര സര്‍ക്കാരിന്റെ അനുമതിയോടെ ക്രിമിനല്‍ കേസുകള്‍ രജിസ്റ്റര്‍ ചെയ്തിട്ടുണ്ടെന്ന് സുപ്രീംകോടതി അഭിഭാഷകന്‍ കൃഷ്ണരാജും വ്യക്തമാക്കിയിട്ടുണ്ട്. പരാതികള്‍ എംബസിയിലും പോലീസിലും എത്തിയതോടെ അസിയും അനീഷ് തടിക്കാടും ഫേസ്ബുക്ക് അക്കൗണ്ടുകള്‍ ഡിലീറ്റ് ചെയ്തിട്ടുണ്ട്. ഇവരുടെ അക്രമി സംഘത്തിലുണ്ടായിരുന്നവരുടെ കൂടുതല്‍ വിവരങ്ങള്‍ അടുത്തദിവസങ്ങളില്‍ പുറത്തുവിടുമെന്ന് പ്രവാസികള്‍ വ്യക്തമാക്കി.
https://www.facebook.com/Malayalivartha
