കുവൈത്തില്‍ കോടതി വിധിയോടെ മലയാളികള്‍ അടക്കമുള്ള 75 പേരുടെ പാസ്‌പോര്‍ട്ടുകള്‍ തിരികെ ലഭിക്കാനുള്ള നടപടികളായി. കഴിഞ്ഞ ഏട്ട് മാസത്തിലേറെയായി സ്വകാര്യ കമ്പനിയിലെ ഉദ്യോഗസ്ഥന്റെ നടപടി മൂലം കുടുക്കിലായ ജീവനക്കാരാണ് നിയമക്കുരുക്കില്‍ നിന്ന് രക്ഷ നേടിയത്. കഴിഞ്ഞ ജൂലൈ മാസത്തോടെയാണ് കുവൈത്തിലെ പ്രമുഖമായ ഫാസ്റ്റ് ഫുഡ് കമ്പിനിയിലെ 20 മലയാളികള്‍ അടക്കമുള്ള ജീവനക്കാരുടെ പാസ്‌പോര്‍ട്ടുകള്‍ അധികൃതര്‍ പിടിച്ചെടുത്തത്.
കുവൈത്തിന്റെ വ്യാജ സ്റ്റാമ്പ് ഒട്ടിച്ച് സര്‍ക്കാര്‍ സേവനങ്ങള്‍ക്ക് ശ്രമിച്ചതാണ് സ്വകാര്യ കമ്പനിയിലെ 45 ഇന്ത്യക്കാര്‍ ഉള്‍പ്പെടെയുള്ള 75 പേര്‍ക്ക് വിനയായത്. പാസ്‌പോര്‍ട്ടില്‍ കമ്പിനി മന്‍ദൂപ് ഒട്ടിച്ച പത്ത് കുവൈത്തി ദിനാറിന്റെ 116 സ്റ്റാമ്പുകള്‍ വ്യാജമാണന്ന് കണ്ടെത്തിയതോടെയാണ് ജീവനക്കാരുടെ പാസ്‌പോര്‍ട്ടുകള്‍ പിടിച്ചെടുത്തത്.
മാസങ്ങളായി നിരവധി ഓഫീസുകളില്‍ തങ്ങളുടെതല്ലാത്ത കാര്യത്തില്‍ കുടുക്കിലായ ഇവര്‍ പാസ്‌പോര്‍ട്ട് തിരികെ ലഭ്യമാക്കാന്‍ ശ്രമിക്കുകയായിരുന്നു. ഇതിനിടെ കമ്പനി പാസ്‌പോര്‍ട്ട് തിരികെ ലഭ്യമാക്കുവാന്‍ കേസ് നല്‍കിയതിലാണ് അനുകൂല വിധി വന്നിരിക്കുന്നത്. ഇത് സംബന്ധിച്ച് കമ്പിനി ബന്ധപ്പെട്ട ജീവനക്കാര്‍ക്കായി സര്‍ക്കുലര്‍ ഇറക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha