യമനിലെ സംഘര്‍ഷം സൗദിയുടെ സമ്പദ് വ്യവസ്ഥയെ ബാധിക്കില്ലെന്ന് ഇന്ത്യയിലെ നിക്ഷേപകര്‍. സൗദി നല്‍കുന്ന ആനുകൂല്യങ്ങള്‍ പരമാവധി പ്രയോജനപ്പെടുത്തി കൂടുതല്‍ നിക്ഷേപങ്ങള്‍ക്ക് തയ്യാറെടുക്കുകയാണ് ഇന്ത്യയില്‍ നിന്നുള്ള വ്യവസായികള്‍. യമന്റെ അതിര്‍ത്തി പ്രദേശത്ത് നിക്ഷേപ പദ്ധതികളുമായി മുന്നോട്ടു പോകും. ദേശ ജാതി വ്യതാസമില്ലാതെ യുദ്ധത്തിന്റെ ഇരകളെ സഹായിക്കാന്‍ ഇതിലൂടെ അവസരം ലഭിക്കുകയാണ്. നിക്ഷേപ സൗഹൃദ രാജ്യങ്ങളില്‍ സൗദിയുടെ സ്ഥാനം ഏറെ മുന്നിലാണെന്നും വിദേശ നിക്ഷേപകര്‍ക്ക് ഒട്ടേറെ ആനുകൂല്യങ്ങളും അവസരങ്ങളും രാജ്യത്ത് ഉണ്ടെന്നും സൗദിയധികൃതര്‍ പറഞ്ഞു. ഫൈസല്‍ ബിന്‍ സൗദി ബിന്‍ മൊസാഅദ് രാജകുമാരന്റെ സാന്നിധ്യത്തില്‍ ജിദ്ദയില്‍ ഗാമോണ്‍ ഗ്രൂപ്പ് സംഘടിപ്പിച്ച സൗഹൃദ സംഗമത്തില്‍ ഇന്ത്യയില്‍ നിന്നും സൗദിയില്‍ നിന്നുമുള്ള പ്രമുഖ നിക്ഷേപകര്‍ സംബന്ധിച്ചു. യമനിലെ സംഘര്‍ഷം സൌദിയുടെ സമ്പദ്ഘടനയെ പ്രതികൂലമായി ബാധിക്കില്ലെന്നും സൗദി യമന്‍ അതിര്‍ത്തിപ്രദേശമായ ജിസാനില്‍ ആരംഭിക്കുന്ന നിക്ഷേപ പദ്ധതികളുമായി മുന്നോട്ടു പോകുമെന്നും ചടങ്ങില്‍ സംബന്ധിച്ച പ്രമുഖ ഇന്ത്യന്‍ വ്യവസായി ബി.ആര്‍ ഷെട്ടി വ്യക്ത്യമാക്കി. വിദേശ നിക്ഷേപകരെ ഇരു കയ്യും നീട്ടി സ്വീകരിക്കുന്ന സൌദിയുടെ നിലപാട് സ്വാഗതാര്‍ഹമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha