ഒഴിവായത് വന് ദുരന്തം... ലാന്ഡിംഗിനിടെ ജെറ്റ് എയര്വേസ് വിമാനത്തിന്റെ ചിറകുകള് ഒടിഞ്ഞ് എന്ജിന് റണ്വേയില് പതിച്ചു
വിമാനയാത്ര ഇപ്പോള് ഒരു പേടിസ്വപ്നമായി മാറിയിരിക്കുകയാണ്. യന്ത്രത്തകരാറുകള്, ലാന്ഡിങ് പ്രശ്നങ്ങള്, തട്ടിക്കൊണ്ടുപോകല് തുടങ്ങിയവ വിമാനയാത്രയെ ഒട്ടും സുരക്ഷിതമല്ലാതാക്കിയിരിക്കുന്നു. കഴിഞ്ഞ ദിവസം മധ്യപ്രദേശിലെ ഖജുരാഹോയിലും ലാന്ഡിംഗിനിടെ എയര്വേസ് വിമാനത്തിന്റെ ചിറകുകള് ഒടിഞ്ഞതും എന്ജിന് റണ്വേയില് പതിച്ചതും അറുപതോളം വരുന്ന യാത്രക്കാരെ ഒട്ടൊന്നുമല്ല പരിഭ്രാന്തരാക്കിയത്. തലനാരിഴയ്ക്ക് വന് ദുരന്തം ഒഴിവായത് ഭാഗ്യം കൊണ്ടു മാത്രമാണെന്നാണ് പലരും വിശ്വസിക്കുന്നത്.
വരണാസിയില് നിന്ന് ഡല്ഹിയിലേക്കുള്ള യാത്രയിലാണ് ഖജുരാഹോയില് ജെറ്റ് എയര്വേസ് വിമാനം ലാന്ഡിംഗിനിടയില് അപകടത്തില് പെടുന്നത്. 59 യാത്രക്കാരും എട്ട് ജോലിക്കാരുമാണ് വിമാനത്തിലുണ്ടായിരുന്നത്. ഖജുരാഹോ എയര്പോര്ട്ടില് ഇറങ്ങുകയായിരുന്ന വിമാനത്തിന്റെ ഇടത് ചിറക് ഒടിയുകയും ബാലന്സ് നഷ്ടപ്പെട്ട വിമാനത്തിന്റെ ഇടതുവശത്തെ എന്ജിന് റണ്വേയില് ഉരയുകയുമായിരുന്നു. ഇടത് ചിറക് ഒടിഞ്ഞതിനാല് വിമാനം ഇടതുവശത്തേക്ക് ചെരിഞ്ഞാണ് ലാന്ഡിങ് നടത്തിയത്. ആകെ പരിഭ്രാന്തരായ യാത്രക്കാര് വിമാനത്തിനുള്ളില് നിലവിളിക്കാന് തുടങ്ങിയിരുന്നു.
വിമാനം ഏതാണ്ട് നിലത്ത് എത്തിക്കഴിഞ്ഞതിനാല് എമര്ജന്സി വാതിലുകളിലൂടെ യാത്രക്കാരെ രക്ഷപ്പെടുത്താന് ക്രൂവിന് കഴിഞ്ഞു. ചിറകും എന്ജിനും റണ്വേയില് ഉരസിയതിനാല് പുക ഉണ്ടായിരുന്നതായി ദൃക്സാക്ഷികള് പറയുന്നു. അതേസമയം വന് ദുരന്തം ഒഴിവായത് തലനാരിഴയ്ക്കാണെന്നാണ് വിലയിരുത്തുന്നത്. വിമാനത്തിന്റെ ചിറകും എന്ജിനും നിലത്ത് ഉരസിയതിനാല് പൊട്ടിത്തെറി ഉണ്ടാകാനുള്ള സാധ്യത ഏറെയായിരുന്നു. എന്നാല് വിമാനം തീപിടുത്തം ഉണ്ടാകാതെ അപകടം ഒഴിവാകുകയായിരുന്നു.
ജെറ്റ് എയര്വേസിന്റെ ബോയിങ് 737800 വിമാനമാണ് അപകടത്തില്പെട്ടത്.
വിമാനത്തിന്റെ യാത്ര ഇവിടെ അവസാനിപ്പിക്കേണ്ടി വന്നതിനാല് വരണാസിയില് നിന്ന് ഡല്ഹി യാത്രയ്ക്ക് മറ്റൊരു വിമാനം കമ്പനി ഏര്പ്പെടുത്തുകയായിരുന്നു. സംഭവത്തില് ആര്ക്കും പരിക്ക് പറ്റിയിട്ടില്ലെങ്കില് റണ്വേ 48 മണിക്കൂര് നേരത്തേക്ക് അടച്ചിടേണ്ടി വന്നു. ലാന്ഡിങ് ഗിയറിലുണ്ടായ സാങ്കേതിക പ്രശ്നമാണ് സംഭവിച്ചതെന്ന് ജെറ്റ് എയര്വേസ് പ്രസ്താവനയില് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
