ഭര്ത്താവ് പിടിയില്... സൗത്ത് ഫ്ളോറിഡയില് മലയാളി നഴ്സ് കുത്തേറ്റ് മരിച്ച സംഭവത്തില് യുവതിയുടെ ഭര്ത്താവ് പൊലീസ് പിടിയില്.. പതിനേഴു തവണ കുത്തി ശരീരത്തിലൂടെ വാഹനമോടിച്ചു കയറ്റി, മലയാളി നേഴ്സ് കൊല്ലപ്പെട്ടത് അതിദാരുണമായി...
സൗത്ത് ഫ്ളോറിഡയില് മലയാളി നഴ്സ് കുത്തേറ്റ് മരിച്ചു .സംഭവത്തില് യുവതിയുടെ ഭര്ത്താവ് പൊലീസ് പിടിയില്. കോട്ടയം മോനിപ്പള്ളി ഊരാളില് ജോയിയുടെ മകള് മെറിന് ജോയി ആണ് മരിച്ചത്. ബ്രോവാഡ് ഹെല്ത്ത് കോറല് സ്പ്രിങ്സ് ആശുപത്രിയിലെ നഴ്സായിരുന്നു. കുറച്ചുകാലമായി ദമ്പതികള് അകന്നു കഴിയുകയായിരുന്നു. സംഭവത്തില് ഭര്ത്താവ് ഫിലിപ്പ് മാത്യു പൊലീസ് പിടിയില്.
നൈറ്റ് ഡ്യൂട്ടി കഴിഞ്ഞ് ഇന്നലെ രാവിലെ വീട്ടിലേക്ക് മടങ്ങാന് ആശുപത്രിയുടെ പാര്ക്കിങ് ഗ്രൗണ്ടിലേക്കു വരുമ്പോഴാണ് കുത്തേറ്റത്. 17 കുത്തേറ്റു. നിലത്തുവീണ മെറിന്റെ ശരീരത്തിലൂടെ വാഹനം ഓടിച്ചു കയറ്റിയതായും പറയുന്നു. കഴിഞ്ഞ ഡിസംബറില് കുഞ്ഞുമായി നാട്ടിലെത്തിയ മെറിനും നെവിനും നാട്ടില് വച്ച് അസ്വാരസ്യമുണ്ടാവുകയും നെവിന് വഴക്കിട്ട് നേരത്തേ മടങ്ങുകയും ചെയ്തു. മെറിന് കുഞ്ഞിനെ മാതാപിതാക്കളെ ഏല്പിച്ച് മയാമിയില് തിരികെയെത്തി ജോലിയില് പ്രവേശിക്കുകയായിരുന്നു.
ഡെട്രോയിറ്റില് ജോലി ചെയ്തിരുന്ന നെവിന് കഴിഞ്ഞ ദിവസം മയാമിയില് എത്തി ഹോട്ടലില് മുറിയെടുത്തു. മെറിന് ഡ്യൂട്ടി കഴിഞ്ഞിറങ്ങിയപ്പോള് കാര് പാര്ക്കിങ്ങില് കാത്തു നിന്ന നെവിന് ആക്രമിക്കുകയായിരുന്നു. മെറിന് ഈ ഹോസ്പിറ്റലില്നിന്നു രാജി വച്ച് ഓഗസ്റ്റ് 15 ന് താമ്പയിലേക്കു താമസം മാറാനുള്ള ഒരുക്കത്തിലായിരുന്നു. ഹോസ്പിറ്റലിലെ അവസാനത്തെ ഷിഫ്റ്റ് പൂര്ത്തിയാക്കി പുറത്തിറങ്ങുമ്പോഴായിരുന്നു ദുരന്തം. കൊലയ്ക്കുശേഷം സ്വയം കുത്തിമുറിവേല്പിച്ച് ആത്മഹത്യ ചെയ്യാന് ശ്രമിച്ച ഭര്ത്താവ് ഫിലിപ് മാത്യു പൊലീസ് പിടിയിലായി. മെറിനെ പൊലീസ് ഉടന്തന്നെ പൊംപാനോ ബീച്ചിലെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഭര്ത്താവ് ഫിലിപ് മാത്യു എന്നു വിളിക്കുന്ന നെവിന് കാറോടിച്ച് സ്ഥലത്തുനിന്ന് പോവുകയും ചെയ്തു. നെവിനെ പിന്നീട് സ്വയം കുത്തിമുറിവേല്പിച്ച നിലയില് പിന്നീട് ഹോട്ടല് മുറിയില് നിന്ന് പൊലീസ് പിടികൂടുകയുമായിരുന്നു.
"
https://www.facebook.com/Malayalivartha