വിദേശത്തു നിന്ന് നാട്ടിലെത്തുന്നവര്ക്ക് ഏഴ് ദിവസത്തെ ഇന്സ്റ്റിറ്റിയൂഷനല് ക്വാറന്റൈന് നിര്ബന്ധമാക്കി കേന്ദ്ര ആരോഗ്യ മന്ത്രാലയം
വിദേശത്തു നിന്ന് നാട്ടിലെത്തുന്നവര്ക്ക് ഏഴ് ദിവസത്തെ ഇന്സ്റ്റിറ്റിയൂഷനല് ക്വാറന്റൈന് നിര്ബന്ധമാക്കി കേന്ദ്ര ആരോഗ്യ മന്ത്രാലയം പുതിയ മാര്ഗനിര്ദേശം ഇറക്കി. ഏഴ് ദിവസത്തെ ക്വാറന്റൈന് പിന്നാലെ ഏഴ് ദിവസം വീടുകളില് സമ്പര്ക്കവിലക്കില് കഴിയുകയും വേണം. ഓഗസ്റ്റ് എട്ട് മുതലാണ് പുതിയ മാര്ഗനിര്ദേശം നിലവില് വരുന്നത്.
അസുഖങ്ങളുള്ളവര്, ഗര്ഭിണികള്, കുടുംബത്തിലെ മരണവുമായി ബന്ധപ്പെട്ട് വരുന്നവര്, പത്ത് വയസിന് താഴെയുള്ള കുഞ്ഞുങ്ങള്ക്കൊപ്പം വരുന്ന രക്ഷിതാക്കള് എന്നിവര്ക്ക് ക്വാറന്റൈന് ഇളവ് അനുവദിച്ചിട്ടുണ്ട്. എന്നാല് ഇവര് വീടുകളില് 14 ദിവസം ക്വാറന്റൈനില് കഴിയണം. ആര്ടിപിസിആര് ടെസ്റ്റ് നടത്തി നെഗറ്റീവ് ഫലം ലഭിച്ചവര്ക്കും ക്വാറന്റൈല് ഇളവുണ്ട്. യാത്ര ആരംഭിക്കുന്നതിന് 96 മണിക്കൂറിനുള്ളില് ഈ പരിശോധന നടത്തി നെഗറ്റീവ് ഫലം ലഭിച്ചിരിക്കണം.
ഇന്ത്യയിലേക്കുള്ള വിമാനത്തിലോ കപ്പലിലോ യാത്ര ചെയ്യുന്നവരെ തെര്മല് സ്ക്രീനിങ് നടത്തി അസുഖ ലക്ഷണമില്ലെന്ന് ഉറപ്പുവരുത്തി മാത്രമേ യാത്രക്ക് അനുവദിക്കൂ.
"
https://www.facebook.com/Malayalivartha