ഫോണില് സംസാരിച്ചുകൊണ്ടിരിക്കുകയായിരുന്ന മലയാളി എന്ജിനീയര് ഫോണ് വലിച്ചെറിഞ്ഞ് ആറാം നിലയില്നിന്ന് ചാടി ..ഷാര്ജ മുവൈലെയില് ഒരു കമ്പനിയില് ഇലക്ട്രിക്കല് എന്ജിനീയറായിരുന്നു
ഇരുപത്തിനാലുകാരനായ മലയാളി എന്ജിനീയര് ഷാര്ജയില് കെട്ടിടത്തിനു മുകളില്നിന്നു വീണു മരിച്ചു. അല് ദയിദിലെ പാര്പ്പിടസമുച്ചയത്തിന്റെ ആറാം നിലയില്നിന്നാണ് സുമേഷ് എന്ന ഇലക്ട്രിക്കല് എന്ജിനീയര് വെള്ളിയാഴ്ച വീണുമരിച്ചത്. മുവൈലെയിലെ ഒരു കമ്പനിയില് ഇലക്ട്രിക്കല് എന്ജിനീയറായിരുന്നു
സുമേഷ് ഫോണില് സംസാരിച്ചുകൊണ്ടിരിക്കുകയായിരുന്നുവെന്നും സംഭവത്തിനു മുമ്പ് ഫോണ് താഴേക്ക് എറിഞ്ഞിരുന്നുവെന്നും റിപ്പോര്ട്ടുണ്ട്. ഒരു വര്ഷം മുമ്പാണു സുമേഷ് യുഎഇയിലെത്തിയത്.
അല് ദായിബില് താമസിക്കുന്ന കെട്ടിടത്തില് സുഹൃത്തുക്കള്ക്കൊപ്പം ഈദ് ആഘോഷിച്ച് മിനിറ്റുകള്ക്ക് ശേഷമാണ് സുമേഷിന് ദാരുണാന്ത്യം സംഭവിച്ചത്. ഈദ് ദിവസമായിരുന്നതിനാല് ബിരിയാണി ഉണ്ടാക്കിയിരുന്നു. എല്ലാവരും ഒരുമിച്ച് ബിരിയാണി കഴിച്ചെന്നും സുമേഷ് സന്തോഷവാനായിരുന്നുവെന്നും അദ്ദേഹത്തിനൊപ്പം താമസിക്കുന്ന ദിലീപ് കുമാര് പറഞ്ഞതായി ഖലീജ് ടൈംസ് റിപ്പോര്ട്ട് ചെയ്തു..
വ്യക്തിപരമായ പ്രശ്നങ്ങള് സുമേഷിനെ അലട്ടിയിരുന്നുവെന്നും സുഹൃത്തുക്കള് പറഞ്ഞു. എന്നാല് പ്രശ്നം എന്താണെന്ന് പറഞ്ഞിരുന്നില്ലെന്നും സുഹൃത്തുക്കള് വ്യക്തമാക്കി. സുമേഷ് വാര്ഷിക അവധിക്ക് നാട്ടിലേക്ക് പോകാനിരുന്നതായിരുന്നു. എന്നാല് കൊവിഡ്-19 പ്രതിസന്ധി കാരണം സാധിച്ചില്ല. ഇതും മാനസിക പ്രയാസത്തിന് കാരണമായതായാണ് സൂചന.
ഇങ്ങനെ സംഭവിക്കുമെന്ന് ആരും കരുതിയില്ലെന്നും സുഹൃത്തുക്കള് പറഞ്ഞു. എന്താണു പ്രശ്നമെന്നു പലവട്ടം ചോദിച്ചിട്ടും ഒഴിഞ്ഞുമാറുകയായിരുന്നുവെന്ന് ഒപ്പം താമസിച്ചിരുന്നയാള് പറഞ്ഞു. സുമേഷ് വാര്ഷിക അവധിക്ക് നാട്ടിലേക്കു പോകാനിരുന്നതാണ്. എന്നാല് കോവിഡ് മൂലം യാത്ര മുടങ്ങുകയായിരുന്നു.
സംഭവത്തില് പോലീസ് അന്വേഷണം തുടങ്ങിയിട്ടുണ്ട്. മൃതദേഹം പോസ്റ്റ്മോര്ട്ടത്തിനും ഫൊറെന്സിക് പരിശോധനയ്ക്കുമായി കൊണ്ടുപോയിരിക്കുകയാണ്
https://www.facebook.com/Malayalivartha