കളി കാണാനെത്തുന്നവര്‍ക്ക് കപ്പലില്‍ താമസിക്കാം
ഫുട്‌ബോള്‍ ലോകകപ്പിന് എത്തുന്നവര്‍ക്ക് കപ്പലില്‍ താമസിക്കാം. 2022 ല്‍ ഖത്തര്‍ ആതിഥ്യമരുളാനിരിക്കുന്ന ഫുട്‌ബോള്‍ മാമാങ്കത്തിന് എത്തുന്നവര്‍ക്കാണ് കപ്പലില്‍ താമസിക്കാനുള്ള അവസരം ഒരുക്കുന്നത്. 12,000 അതിഥികളെയെങ്കിലും യാത്രാ കപ്പലുകളില്‍ താമസിപ്പിച്ച് കപ്പല്‍ ഗതാഗത മേഖലയ്ക്ക് പുത്തനുണര്‍വ് നല്‍കാനാണ് രാജ്യത്തെ ടൂറിസം ഏജന്‍സി (ക്യുടിഎ) ലക്ഷ്യമിടുന്നത്.
ലോകകപ്പിനായി 6,000 കപ്പല്‍ മുറികള്‍ ബുക്ക് ചെയ്യാനാണ് ക്യുടിഎയുടെ നീക്കം. നേരത്തെ 100,000 കപ്പല്‍ മുറികള്‍ ആതിഥേയര്‍ക്കായി ഒരുക്കാനായിരുന്നു ആലോചന. എന്നാല്‍, ഇത് ഹോട്ടലുകളെ പ്രതികൂലമായി ബാധിക്കുമെന്നതിനാല്‍ ഉപേക്ഷിക്കുകയായിരുന്നു. അതേസമയം, കപ്പല്‍ മുറികളില്‍ താമസിച്ച് ലോകകപ്പ് കാണുന്നവര്‍ക്ക് മദ്യം ലഭ്യമാക്കിയേക്കുമെന്നും സൂചനയുണ്ട്.
2022 നവംബര്‍, ഡിസംബര്‍ മാസങ്ങളിലാണ് ഫുട്‌ബോള്‍ ലോകകപ്പ് നടക്കുന്നത്. ലോകകപ്പ് വേളയില്‍ ലക്ഷക്കണക്കിന് സന്ദര്‍ശകര്‍ ഖത്തറിലേക്ക് ഒഴുകിയെത്തുമെന്നാണ് കരുതുന്നത്. ബ്രസീല്‍ ലോകകപ്പില്‍ 10 ലക്ഷത്തോളം പേരാണ് സന്ദര്‍ശകരായെത്തിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
