ദുബായില്‍ നിന്നും ചൊവ്വാഴ്ച മുതല്‍ കാണാതായ മലയാളി യുവാവിനെ കാറിനുള്ളില്‍ മരിച്ചനിലയില്‍ കണ്ടെത്തി. ദുബായ് യൂണിവേഴ്‌സിറ്റി ഓഫീസില്‍ റിസേര്‍ച്ച് ആയ പി.ടി നിതിന്റെ (26) മൃതദേഹമാണ് കണ്ടെത്തിയതെന്ന് ഗള്‍ഫ് ന്യുസിനെ ഉദ്ധരിച്ച് വാര്‍ത്ത ഏജന്‍സി റിപ്പോര്‍ട്ട് ചെയ്യുന്നു. റെന്റ് കാറില്‍ സുഹൃത്ത് എന്ന പരിചയപ്പെടുത്തിയ ഒരാള്‍ക്കൊപ്പമാണ് നിതിനെ അവസാനം കണ്ടത്. ചൊവ്വാഴ്ച രാത്രി 10.30 ഓടെ പുറത്തേക്ക് പോയ നിതിനെ പിന്നീട് കാണാതാവുകയായിരുന്നു. വ്യാഴാഴ്ചയാണ് സുഹൃത്തുക്കള്‍ പോലീസില്‍ വിവരം അറിയിച്ചത്. ശനിയാഴ്ച ഒരു വേര്‍ഹൗസിനു സമീപം ഉപേക്ഷിക്കപ്പെട്ട നിലയില്‍ കാര്‍ കണ്ടെത്തിയിരുന്നു. ജീവനക്കാര്‍ അറിയിച്ചതിനെ തുടര്‍ന്ന് പോലീസ് നടത്തിയ പരിശോധനയിലാണ് മൃതദേഹം കണ്ടെത്തിയത്. കാര്‍ പോലീസ് കസ്റ്റഡിയില്‍ എടുത്തിട്ടുണ്ട്.