എക്‌സ്പോ വേദി സുവര്‍ണജൂബിലി ആഘോഷങ്ങളുടെ നിറ വിലാണ് യു.എ.ഇ.. എന്നാല്‍ അതിനേക്കാള്‍ ഏറെ സന്തോഷമാണ് 100 ദിവസങ്ങള്‍ക്കപ്പുറം എക്‌സ്‌പോ നീളുമെന്ന പുതിയ വിവരം.

ഗള്‍ഫ് രാജ്യങ്ങളുടെ അടുത്ത ഏറ്റവുംവലിയ പ്രതീക്ഷയായ ദുബായ് എക്‌സ്‌പോ ലോകം ഇതുവരെ കണ്ടിട്ടില്ലാത്ത തരത്തിലേക്ക് ആഘോഷങ്ങളെ നീക്കുമെന്നത് അതിശയമാണ്.

ദുബായ് എക്‌സ്‌പോ 2020 എന്ന മഹാമേളയ്ക്ക് ഒക്ടോബര്‍ ഒന്നിനാണ് ആരംഭം കുറിക്കും . കഴിഞ്ഞ 10 വര്‍ഷമായി നടക്കുന്ന 2,30,000 ജോലിക്കാരുടെ അധ്വാനമാണ് 4.38 ചതുരശ്ര കിലോമീറ്ററില്‍ 192 രാജ്യങ്ങളിലെ കാഴ്ചകള്‍ ഒരുങ്ങുന്ന ലോകാദ്ഭുതവേദികള്‍. ഏതാണ്ട് എല്ലാ രാജ്യങ്ങളും പവിലിയനുകള്‍ പൂര്‍ത്തിയാക്കിക്കഴിഞ്ഞു.


170 വര്‍ഷത്തെ ലോക എക്‌സ്‌പോയുടെ ചരിത്രത്തിലാദ്യമായാണ് പങ്കെടുക്കുന്ന എല്ലാ രാജ്യങ്ങളും പവിലിയന്‍ ഒരുക്കുന്നതെന്ന പ്രത്യേകത വലിയൊരു ആകര്‍ഷണമാണ് . 2022 മാര്‍ച്ച് 31 വരെ നടക്കുന്ന എക്‌സ്‌പോയിലേക്ക് രണ്ട് കോടിയിലേറെ സന്ദര്‍ശകരെയ പ്രതീക്ഷിക്കുന്നു . ദിവസവും 60 തത്സമയ സാംസ്‌കാരിക പരിപാടികള്‍ വേദിയിലുണ്ടാകും.

ഓരോ അഞ്ചുവര്‍ഷം കൂടുമ്പോഴാണ് ബ്യൂറോ ഓഫ് ഇന്റര്‍നാഷണല്‍ എക്‌സ്‌പോസിഷന്‍സിന്റെ നേതൃത്വത്തില്‍ ആറുമാസം ദൈര്‍ഘ്യമുള്ള ലോക എക്‌സ്‌പോ നടക്കുന്നത്. 2013-ല്‍ യെക്കാറ്റരിന്‍ബര്‍ഗ് (റഷ്യ), ഇസ്മിര്‍ (തുര്‍ക്കി), സാവോപോളോ (ബ്രസീല്‍) എന്നിവയോട് മത്സരിച്ചാണ് ദുബായ് എക്‌സ്‌പോ 2020 നടത്താനുള്ള അവകാശം നേടിയെടുക്കുന്നത്.

2010-ലെ ലോക എക്‌സ്‌പോ ചൈനയിലെ ഷാങ്ഹായ് നഗരത്തിലായിരുന്നു ഇത് നടന്നത് . ഷാങ്ഹായിയെ മാത്രമല്ല ചൈനയെവരെ മാറ്റിമറിച്ച മേളയായിരുന്നു അന്ന് നടന്നത്. വ്യവസായങ്ങള്‍ മാത്രമുണ്ടായിരുന്ന നഗരം എക്‌സ്‌പോയ്ക്കുശേഷം സാംസ്‌കാരിക വാണിജ്യനഗരമായി മാറുകയുണ്ടായി . ചൈനയുടെ ഷെയര്‍ മാര്‍ക്കറ്റുവരെ മൂന്നുമടങ്ങ് വര്‍ധിക്കുന്ന തലത്തിലേക്ക് കാര്യങ്ങള്‍ നീങ്ങി . ചൈനയോട് ഏറെ സൗഹൃദംപുലര്‍ത്തുന്ന രാജ്യം കൂടിയാണ് യു.എ.ഇ. അങ്ങനെ നോക്കുമ്പോള്‍ എക്‌സ്‌പോ 2020 കഴിയുന്നതോടെ ദുബായ് ഇരട്ടി വളര്‍ച്ച നേടുമോ എന്നത് ആകാംഷയോടെ കാത്തിരിക്കുന്നു .

2015-ല്‍ എക്‌സ്‌പോക്ക് ആതിഥ്യം വഹിച്ച മിലാന്‍ നഗരം അന്നേ ദുബായിക്ക് പിന്തുണ അറിയിച്ചിരുന്നു. മിലാന്‍ എക്‌സ്‌പോ കൃത്യമായി നിരീക്ഷിക്കാന്‍ അന്ന് ദുബായുടെ ഉണ്ടായിരുന്നു . മിലാനില്‍ സന്ദര്‍ശകര്‍ക്ക് കൗതുകമായി യു.എ.ഇ.യുടെ ഔദ്യോഗിക വിമാനക്കമ്പനിയായ ഇത്തിഹാദിന്റെ യന്ത്രമനുഷ്യനും പങ്കുചേര്‍ന്നിരുന്നു.

ദുബായ് എക്‌സ്‌പോ 2020- നെക്കുറിച്ച് അന്നേ സന്ദര്‍ശകരിലേക്കെത്തിക്കാന്‍ ഇതിലൂടെയായി. യു.എ.ഇ.യുടെ ഇത്തിസലാത്ത്, ദീവ, ആര്‍.ടി.എ. സ്റ്റാളുകളും സന്ദര്‍ശകശ്രദ്ധ പിടിച്ചുപറ്റിയിരുന്നു. ഷാങ്ഹായിലും മിലാനിലും നടന്ന എക്‌സ്‌പോകള്‍ വിലയിരുത്തിയാണ് ദുബായ് എക്‌സ്‌പോ 2020 ലോകത്തെ സ്വീകരിക്കുന്നത്.

ചില എക്‌സ്‌പോ പവിലിയനുകള്‍ ഈ വര്‍ഷം ജനുവരിയില്‍ തന്നെ ആരംഭമിട്ടിരുന്നു . വിനോദവും വിജ്ഞാനവും വിസ്മയവും സമന്വയിപ്പിക്കുന്ന സസ്റ്റെയ്‌നബിലിറ്റി പവിലിയനായ ടെറയിലേക്ക് അഞ്ച് മാസത്തിനകം ഒരു ലക്ഷത്തിലേറെ സന്ദര്‍ശകരാണ് ഒഴുകിയെത്തിയത്. ഇവിടെക്ക് പ്രത്യേക ടൂറും അധികൃതര്‍ സംഘടിപ്പിച്ചു. എക്‌സ്‌പോയുടെ ഔദ്യോഗിക ചിഹ്നം കാണാനുള്ള അവസരവും ഇവിടെയൊരുക്കിയിരുന്നു. എക്‌സ്‌പോയുടെ ഏറ്റവും മികച്ച ആകര്‍ഷണങ്ങളില്‍ ഒന്നാണിത്.

മാലിന്യ നിര്‍മാര്‍ജനം, ജലസംരക്ഷണം, സസ്യങ്ങളുടെ സംരക്ഷണം, പ്ലാസ്റ്റിക് ഉപയോഗം കുറയ്ക്കല്‍ തുടങ്ങി ബോധവത്കരണ രീതിയിലുള്ള സംവിധാനമാണ് ടെറ പവിലിയനില്‍ ഒരുക്കിയിരിക്കുന്നത്. വനം, സമുദ്രം എന്നിവയിലൂടെ സഞ്ചരിക്കുന്ന അനുഭവമാണ് ടെറ നല്‍കുന്നത്. യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം എക്‌സ്‌പോ 2020 മെഗാ പ്രദര്‍ശനത്തിന് ആതിഥേയത്വം വഹിക്കാന്‍ 100 ശതമാനം യു.എ.ഇ. സജ്ജമാണെന്ന് പ്രഖ്യാപിച്ചുകഴിഞ്ഞു.

കോവിഡ് കാലത്തെയും അതിജീവിച്ചുള്ള കാത്തിരിപ്പിന് ഇനി അധികനാളില്ലാത്തത് പ്രതീക്ഷ വര്‍ധിപ്പിക്കുന്നുണ്ട്. യു.എ.ഇയുടെ നീണ്ടകാല ചരിത്രത്തിന്റെയും സംസ്‌കാരത്തിന്റെയും പ്രതിബിംബമായി എക്‌സ്‌പോ മാറും. അന്താരാഷ്ട്ര സഹകരണം വിപുലീകരിക്കുന്നതിനും പ്രധാന വിഷയങ്ങളില്‍ ആഗോള അജന്‍ഡയിലേക്ക് സംഭാവന ചെയ്യുന്നതിനും എക്‌സ്‌പോ 2020-യില്‍ നേതൃപരമായ പങ്കുവഹിക്കാന്‍ ശൈഖ് മുഹമ്മദ് ഇതിനകം എല്ലാ ഫെഡറല്‍ മന്ത്രാലയങ്ങള്‍ക്കും നിര്‍ദേശം നല്‍കിക്കഴിഞ്ഞു.

100 രാജ്യങ്ങളിലെ 2500 സ്ഥാപനങ്ങള്‍ക്കാണ് എക്‌സ്‌പോ ടിക്കറ്റ് വില്‍പ്പനയ്ക്ക് അനുമതി നല്‍കിയിരിക്കുന്നത്. നേരത്തേ തീരുമാനിച്ചതിലും ഇരട്ടി. കോവിഡ് തളര്‍ത്താത്ത കരുത്തുറ്റ രാജ്യമാണ് യു.എ.ഇ. എന്നതിന് മറ്റൊരു തെളിവുകൂടിയാണിത്. . പ്രവേശന പാസ് വിതരണം ജൂലായ് മുതല്‍ തുടങ്ങും.

എക്‌സ്‌പോയില്‍ പങ്കെടുക്കുന്ന മുഴുവന്‍ ഔദ്യോഗിക പങ്കാളികള്‍ക്കും ജീവനക്കാര്‍ക്കും സൗജന്യ കോവിഡ് വാക്‌സിന്‍ നല്‍കുന്നുണ്ട്. ദുബായ് കിരീടാവകാശിയും എക്‌സിക്യുട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂമിന്റെ നിര്‍േദശപ്രകാരമാണ് വാക്‌സിന്‍ യജ്ഞം നടക്കുന്നത്. എല്ലാ കോവിഡ് മാനദണ്ഡങ്ങളും പാലിക്കും.


എക്‌സ്‌പോ വേദിയിലേക്ക് ദുബായ് മെട്രോയും തയ്യാറായി കഴിഞ്ഞു . വേദിയിലേക്കുള്ള ആറ് സ്റ്റേഷനുകളില്‍ അഞ്ചെണ്ണമാണ് പ്രവര്‍ത്തനം തുടങ്ങിയത്. ഒക്ടോബറില്‍ എല്ലാവര്‍ക്കുമായി മെട്രോ ഓടിത്തുടങ്ങും.അങ്ങനെ എല്ലാവരും ആകാംഷയോടെ കാത്തിരിക്കുകയാണ് ആ സുവര്‍ണ നിമിഷത്തിനായി.