160 പേര്ക്ക് യാത്രചെയ്യാവുന്ന എയര് അറേബ്യ വിമാനത്തില് നാലുപേര്: പ്രവാസികളെ അമ്പരപ്പിച്ച വിമാന യാത്ര
തലങ്ങും വിലങ്ങും യാത്രാവിലക്ക് നടക്കുന്ന കാലമാണിപ്പോള്. ഈ കാലത്ത് നടന്ന ഒരു വിമാനയാത്ര ഞെട്ടിച്ചിരിക്കുകയാണ്.
എയര് അറേബ്യ വിമാനത്തില് നാല് മലയാളികള് കേരളത്തില്നിന്ന് ഷാര്ജയിലെത്തിയിരിക്കുകയാണ് . 160 പേര്ക്ക് യാത്രചെയ്യാവുന്ന വിമാനത്തിലാണ് ഇവര് ചെറിയ ചെലവില് എത്തിയത്.
കോഴിക്കോട് ബാലുശ്ശേരി സ്വദേശി റാഷിദ് അബ്ബാസ്, മേപ്പയ്യൂര് സ്വദേശി നൗഷാദ്, മലപ്പുറം സ്വദേശി മുഹമ്മദ് കുട്ടി, കാസര്കോട് സ്വദേശി ഫാറൂഖ് എന്നിവരാണ് ഇത്തരത്തില് ഒരു യാത്ര നടത്തിയത് . വിവിധ വകുപ്പുകളില്നിന്ന് പ്രത്യേക അനുമതി നേടിയെടുത്തായിരുന്നു ഇവരുടെ യാത്ര. ആശയക്കുഴപ്പങ്ങള് കാരണം വിമാനയാത്ര മുടങ്ങിയിരിക്കുന്ന അവസ്ഥയിലാണ് നാലുപേര്ക്ക് വി.ഐ.പി. യാത്ര ലഭിച്ചത് എന്ന കാര്യം ശ്രദ്ധേയം.
48 മണിക്കൂറിനിടെയുള്ള ആര്.ടി.പി.സി.ആര്. ഫലം കരുതിയിരുന്നു. എന്നാല് കോഴിക്കോട് വിമാനത്താവളത്തില് റാപ്പിഡ് പരിശോധന നടത്തേണ്ടിവന്നില്ലെന്നാണ് റാഷിദ് അബ്ബാസ് പറയുന്നത്.
ഗോള്ഡന് വിസക്കാര്ക്കും നിക്ഷേപകര്ക്കും പാര്ട്ണര് വിസക്കാര്ക്കും യു.എ.ഇ.യിലേക്ക് മടങ്ങാന് നിലവില് അനുമതിയുണ്ട്. ചാര്ട്ടര് വിമാനത്തില് ഒരാള്ക്ക് 22,000 ദിര്ഹം ആണ് ടിക്കറ്റ് നിരക്ക്.
എന്നാല് എയര് അറേബ്യ വിമാനത്തില് വി.ഐ.പി. പറക്കലിന് ഒരാള്ക്ക് ചിലവ് 8500 ദിര്ഹം മാത്രമാണ്. രണ്ടുദിവസം മുന്പ് കോഴിക്കോട് സ്വദേശി ജയപ്രകാശ് തയ്യില് എന്ന പ്രവാസിയും കേരളത്തില്നിന്ന് ഷാര്ജയിലെത്തിയിരുന്നു.
ബിസിനസ് സെറ്റപ്പ് സ്ഥാപനമായ ഇ.സി.എച്ച്. ആണ് ജയപ്രകാശിന് യാത്രയ്ക്കാവശ്യമായ പ്രത്യേക അനുമതി നല്കിയത് എന്ന കാര്യം ശ്രദ്ധേയം .യാത്ര ഇതിനോടകം തന്നെ വളരെയധികം ആശ്ചര്യമായി കഴിഞ്ഞു.
"
https://www.facebook.com/Malayalivartha
