ലോകത്തിന്റെ വിവിധ ഭാഗങ്ങളിലേക്ക് യു.എ.ഇ.യുടെ കോവിഡ് പ്രതിരോധവാക്സിന് വിതരണം തുടരുന്നു :എമിറേറ്റ്സ് ഇത് വരെ എത്തിച്ചത് 15 കോടിയിലധികം ഡോസ് വാക്സിനുകള്
ആ വരവിനായി കാത്തിരുന്ന എണ്പതിലേറെ സ്ഥലങ്ങള്! അവിടങ്ങളില് എമിറേറ്റ്സ് എത്തിച്ചത് 15 കോടിയിലധികം ഡോസ് വാക്സിനുകള്....
ലോകത്തിന്റെ വിവിധ ഭാഗങ്ങളിലേക്ക് യു.എ.ഇ.യുടെ കോവിഡ് പ്രതിരോധവാക്സിന് വിതരണം തുടരുകയാണ്. എമിറേറ്റ്സ് എയര്ലൈന് 600 ടണ് വരുന്ന 15 കോടി ഡോസ് കോവിഡ് വാക്സിനുകള് ഇതിനോടകം തന്നെ വിതരണംചെയ്തു കഴിഞ്ഞു . ആറുതരം വാക്സിനുകളാണ് ആറുഭൂഖണ്ഡങ്ങളിലെ എണ്പതിലേറെ സ്ഥലങ്ങളിലേക്കായി എത്തിച്ചത് എന്നകാര്യം ശ്രദ്ധേയം. വാക്സിന് നിര്മാണസ്ഥലങ്ങളില്നിന്ന് ലോകമെമ്പാടുമുള്ള വികസ്വരരാജ്യങ്ങളിലേക്ക് കോവിഡ് വാക്സിന് വിതരണംചെയ്യുന്നതില് നിര്ണായക പങ്കുവഹിച്ചതായി എമിറേറ്റ്സ് സ്കൈ കാര്ഗോ അധികൃതര് വ്യക്തമാക്കിയിരിക്കുകയാണ്. കോവിഡ് വ്യാപനം രൂക്ഷമായിരുന്ന സമയത്തും 200 ടണ്ണിലേറെ മെഡിക്കല്വസ്തുക്കള് ദിവസവും എമിറേറ്റ്സ് പലരാജ്യങ്ങളിലേക്കായി എത്തിക്കുകയുണ്ടായി.
എമിറേറ്റ്സ് എയര്ലൈന്വഴി ലോകമെമ്പാടുമുള്ള വികസ്വരരാജ്യങ്ങളില് കോവിഡ് വാക്സിനുകളുടെ വിതരണം വേഗത്തില് നടപ്പിലാക്കാന് ദുബായ് കഴിഞ്ഞ ജനുവരിയിലാണ് വാക്സിന് ലോജിസ്റ്റിക് അലയന്സ് തുടങ്ങിയത്.
യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂമിന്റെ നിര്ദേശങ്ങള്ക്കനുസരിച്ചായിരുന്നു ഇത്തരത്തിലൊരു നീക്കം നടത്തിയത്. എമിറേറ്റ്സ് സ്കൈ കാര്ഗോ, ഡി.പി.വേള്ഡ്, ഇന്റര്നാഷണല് ഹ്യൂമാനിറ്റേറിയന് സിറ്റി, ദുബായ് എയര്പോര്ട്സ് എന്നിവ ചേര്ന്നതാണ് ദുബായ് വാക്സിന് ലോജിസ്റ്റിക് അലയന്സ്. മഹാമാരിയില്നിന്ന് കരകയറുന്ന വിപണികളിലാണ് വാക്സിന് വിതരണത്തിന് ദുബായ് ശ്രദ്ധ കേന്ദ്രീകരിക്കുന്നത്.
ഒരേസമയം വലിയ അളവില് വാക്സിന് ഡോസുകള് സംഭരിക്കാനും 48 മണിക്കൂറിനുള്ളില് ലോകത്തെ ഏതുസ്ഥലത്തേക്കും അവയെത്തിക്കാനും വിതരണംചെയ്യാനുമുള്ള ശേഷിയുണ്ടെന്ന് ദുബായ് സിവില് ഏവിയേഷന് അതോറിറ്റി പ്രസിഡന്റും ദുബായ് എയര്പോര്ട്ട്സ് ചെയര്മാനും എമിറേറ്റ്സ് എയര്ലൈന് ആന്ഡ് ഗ്രൂപ്പ് ചെയര്മാനും ചീഫ് എക്സിക്യുട്ടീവുമായ ശൈഖ് അഹമ്മദ് ബിന് സയീദ് അല് മക്തൂം വ്യക്തമാക്കി.
"
https://www.facebook.com/Malayalivartha
