കുവൈത്തില്‍ പ്രവാസികളുടെ തൊഴില്‍ രേഖ പുതുക്കുന്നത് നിര്‍ത്തി വെച്ചു. രാജ്യത്തെ സ്വദേശി വിദേശി ജനസംഖ്യ അസന്തുലിതത്വം പരിഹരിക്കുന്നതിന്റെയും തൊഴില്‍ വിപണി നിയന്ത്രിക്കുന്നതിന്റെയും ഭാഗമായി നടന്നുകൊണ്ടിരിക്കുന്ന പരിശോധനകളുടെയും മറ്റും ഭാഗമായാണ് തീരുമാനം.

മാനവ ശേഷി സമിതി അധികൃതര്‍ ആണ് തൊഴില്‍ അനുമതി രേഖ പുതുക്കുന്നത് താല്‍ക്കാലികമായി നിര്‍ത്തി വെച്ചത്. സാമ്പത്തികം , ബാങ്കിംഗ്, അക്കൗണ്ടിംഗ്, മേഖലകളില്‍ ഉള്‍പ്പെടെ ജോലി ചെയ്യുന്നവരുടെ രേഖകള്‍ ആണ് പുതുക്കാന്‍ കഴിയാത്തത്.

നിരവധി പ്രവാസികളുടെ അക്കാദമിക് സര്‍ട്ടിഫിക്കറ്റുകളുടെ സാധുതയും തൊഴില്‍ അനുമതി രേഖ പ്രകാരം വഹിക്കുന്ന പദവിയും തമ്മിലുള്ള പൊരുത്തക്കേടുകള്‍ കണ്ടെത്തിയതിനെ തുടര്‍ന്നാണ് അധികൃതര്‍ കടുത്ത നടപടികളിലേക്ക് നീങ്ങുന്നത്.