പ്രവാസികളുടെ മനസിൽ തന്റേതായ ഇടം നേടിയ വ്യതിയാണ് ലുലു ഗ്രൂപ്പ് ചെയര്‍മാന്‍ എം.എ യൂസഫലി. ഗൾഫ് രാജ്യങ്ങളിൽ ദുരിതം അനുഭവിക്കുന്നവർക്ക് സഹായമായും ജീവകാരുണ്യ പ്രവർത്തനങ്ങളിൽ സജീവമായും അദ്ദേഹം മുന്നിൽ തന്നെയുണ്ട്. ഇത് തന്നെയാണ് അദ്ദേഹം പ്രവാസികളുടെ മനസിൽ ഇടം പിടിക്കാൻ കാരണമായതും.

എന്നാൽ അദ്ദേഹം ഇപ്പോൾ ഉയരങ്ങളിലേക്ക് കുതിക്കുകയാണ്. ലോകത്തെ ഏറ്റവും സമ്പന്നരുടെ റാങ്കിങ്ങുമായി ഈ വർഷത്തെ ഫോബ്‌സ് ആഗോള പട്ടിക പുറത്തുവരുമ്പോൾ അതിലും ഇടം നേടിയിരിക്കുകയാണ് എം.എ യൂസഫലി. ലോകത്തെ ഏറ്റവും കോടീശ്വരന്മാരുടെ പട്ടികയിൽ യൂസഫലി ആണ് ഏറ്റവും സമ്പന്നനായ മലയാളി. പട്ടികയിൽ ആകെ 9 മലയാളികളാണുള്ളത്. 5.3 ബില്യൺ ഡോളർ സമ്പത്തുള്ള അദ്ദേഹം ലോകറാങ്കിങ്ങിൽ 497–ാം സ്ഥാനത്താണ്.

അദ്ദേഹത്തിന്റെ ഈ നേട്ടത്തിൽ പ്രവാസികൾക്കും അഭിമാനിക്കാവുന്നതാണ്. പ്രവാസികൾക്ക് മാത്രമല്ല മലയാളികൾക്ക് എല്ലാം തന്നെ അദ്ദേഹത്തിന്റെ ഈ വളർച്ചയിൽ അഭിമാനിക്കാവുന്നതാണ്. ഇൻഫോസിസ് സഹ സ്ഥാപകൻ ക്രിസ് ഗോപാലകൃഷ്ണൻ (3.2 ബില്യൺ), ആർപി ഗ്രൂപ്പ് സ്ഥാപകൻ രവി പിള്ള (3.2 ബില്യൺ), ജെംസ് എഡ്യൂക്കേഷൻ മേധാവി സണ്ണി വർക്കി (3 ബില്യൺ), ജോയ് ആലുക്കാസ് ഗ്രൂപ്പ് ഉടമ ജോയ് ആലുക്കാസ് (2.8 ബില്യൺ), ബുർജീൽ ഹോൾഡിങ്‌സ് സ്ഥാപകനും ചെയർമാനുമായ ഡോ. ഷംഷീർ വയലിൽ, ബൈജൂസ്‌ സ്ഥാപകൻ ബൈജു രവീന്ദ്രൻ എന്നിവരാണ് സമ്പന്ന മലയാളികളിൽ മുൻനിരയിൽ.

2.2 ബില്യൺ സമ്പത്തുള്ള ഡോ. ഷംഷീറാണ്‌ ഏറ്റവും സമ്പന്നനായ യുവ മലയാളി. 2.1 ബില്യൺ സമ്പത്തുമായി ബൈജു രവീന്ദ്രൻ രണ്ടാമതും. ഇൻഫോസിസ് സഹസ്ഥാപകൻ എസ്.ഡി. ഷിബുലാൽ (1.8 ബില്യൺ), വി ഗാർഡ് ഗ്രൂപ്പ് സ്ഥാപകൻ കൊച്ചൗസേപ്പ് ചിറ്റിലപ്പിള്ളി (1 ബില്യൺ) എന്നിവരാണ് പട്ടികയിൽ ഇടം നേടിയ മറ്റു മലയാളികൾ.