കോഴിക്കോട് സ്വദേശിയെ ഒമാനിലെ താമസ സ്ഥലത്ത് മരിച്ച നിലയില് കണ്ടെത്തി
കോഴിക്കോട് ചേളന്നൂര് കണ്ണങ്കര സ്വദേശിയായ മലയാളിയെ ഒമാനില് മരിച്ച നിലയില് കണ്ടെത്തി. കണ്ണങ്കര കുനിയില് താഴത്ത് വീട്ടില് ഷൈജു (44) ആണ് സലാലയിലെ താമസ സ്ഥലത്ത് മരിച്ചത്. റോയല് ഒമാന് പൊലീസ് സ്ഥലത്തെത്തി തുടര് നടപടികള് സ്വീകരിച്ചു. ഷൈജു അവിവാഹിതനാണ്. പിതാവ് ഗോപാലന്. മാതാവ് ജാനകി. സുല്ത്താന് ഖാബൂസ് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കിയ ശേഷം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര് അറിയിച്ചു.
അതേസമയം ഒമാന് നിസ്വയിലുണ്ടായ വാഹനാപകടത്തില് മാന്നാര് കുട്ടംപേരൂര് പതിനൊന്നാം വാര്ഡ് അശ്വതി ഭവനത്തില് സന്തോഷ് പിള്ള (41) മരിച്ചു. ഒമാനിലെ അല്വാസന് ഇന്റഗ്രേറ്റഡ് ട്രേഡിങ്ങ് കമ്പനിയില് മെഷീനിസ്റ്റായി ജോലി ചെയ്യുന്ന സന്തോഷ് ജോലി കഴിഞ്ഞ് സഹപ്രവര്ത്തകരോടൊപ്പം ഫുട്പാത്തിലൂടെ നടന്നു നീങ്ങവേ പിന്നില് നിന്നും സ്പോര്ട്സ് കാര് ഇടിച്ചാണ് അപകടം.
അപകടത്തില് ഒപ്പമുണ്ടായിരുന്ന മറ്റൊരാളും മരണപ്പെട്ടു. നിസ്വ ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹങ്ങള് നാട്ടിലേക്ക് കൊണ്ടു വരുന്നതിനുള്ള നടപടികള് പൂര്ത്തിയായി വരുന്നു.
https://www.facebook.com/Malayalivartha
