നെഞ്ചുവേദനയെ തുടര്ന്ന് ത്വാഇഫ് കിങ് ഫൈസല് ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചിരുന്ന മലപ്പുറം സ്വദേശി മരിച്ചു
നെഞ്ചുവേദനയെ തുടര്ന്ന് ത്വാഇഫ് കിങ് ഫൈസല് ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചിരുന്ന മലപ്പുറം പോരൂര് പൂതറക്കോവ് കൊട്ടാടന് വീട്ടില് പ്രതീഷ് (46) മരിച്ചു. അല് മജാല് മാന്പവര് കോണ്ട്രാക്റ്റ് കമ്പനിയില് ആറ് വര്ഷമായി ഇലക്ട്രീഷ്യനായിരുന്നു. ഒരുവര്ഷം മുമ്പാണ് അവധി കഴിഞ്ഞ് നാട്ടില് നിന്നും തിരിച്ചെത്തിയത്.
പിതാവും മാതാവും ഭാര്യയും 19 വയസായ മകനും 10 വയസ്സായ മകളുമടങ്ങുന്നതാണ് അദ്ദേഹത്തിന്റെ കുടുംബം. മരണാനന്തര നടപടികള് പൂര്ത്തീകരിക്കാനായി കൂടെ ജോലി ചെയ്യുന്ന സുഹൃത്ത് തമിഴ്നാട്ടുകാരനായ സയ്യിദ് സുലൈമാനെ കുടുംബം ചുമതലപ്പെടുത്തി.
ത്വാഇഫ് കെ.എം.സി.സി സെന്ട്രല് കമ്മിറ്റി പ്രസിഡന്റും ജിദ്ദ ഇന്ത്യന് കോണ്സുലേറ്റ് കമ്യൂണിറ്റി വെല്ഫെയര് പ്രതിനിധിയുമായ നാലകത്ത് മുഹമ്മദ് സാലിഹ് നടപടികള് പൂര്ത്തിയാക്കാനായി രംഗത്തുണ്ട്. മൃതദേഹം നാട്ടിലെത്തിക്കാനുള്ള മേല് നടപടികള് സ്വീകരിച്ചു വരുന്നു.
https://www.facebook.com/Malayalivartha
