ഗൾഫ് രാജ്യങ്ങളിൽ വേനലവധി തുടങ്ങുന്നതിന് മുമ്പേ കേരളത്തിലേക്കുള്ള വിമാന ടിക്കറ്റ് നിരക്ക് കുത്തനെ ഉയർന്നിരുന്നു. ഇത്രയും തുക മുടക്കി നാട്ടിലേക്ക് പോകാൻ പറ്റാത്തതിനാൽ എല്ലാവരും വളരെയധികം ആശങ്കയിലായിരുന്നു. ഇത്രയും തുക മുടക്കി നാട്ടിലേക്ക് പോകാൻ പറ്റാത്ത അവസ്ഥയിലാണ് പ്രവാസികൾ. കുടുംബമായി യാത്ര ചെയ്യുന്ന പ്രവാസികളെയാണ് ഭീമമായ ടിക്കറ്റ് നിരക്ക് ഏറ്റവും അധികം ബാധിക്കുന്നത്.

നാലംഗ കുടുബത്തിന് നാട്ടിലേക്ക് മാത്രം യാത്ര ചെയ്യണമെങ്കിൽ മാത്രം 2 ലക്ഷത്തിനടുത്ത് തുക മുടക്കേണ്ടതായിവരും. അതിനാൽ ഇത്തവണ അവധിക്കാലത്ത് പ്രവാസികൾ മിക്കവരും നാട്ടിലേക്കുള്ള യാത്ര മാറ്റിവയ്ക്കുകയായിരുന്നു. ഇതിന് പകരം ചിലവ് കുറച്ച് പോകാൻ പറ്റുന്ന വിദേശ രാജ്യങ്ങൾ കണ്ടെത്തിയെങ്കിലും സീസൺ ടൈം ആയതിനാൽ അവിടേയും ടിക്കറ്റ് നിരക്ക് വില്ലനായി. എന്നാൽ ഇപ്പോൾ അതിനുള്ള അവസരം എത്തിയിരിക്കുകയാണ്.

വേനലവധിക്കാലത്തെ തിരക്ക് അവസാനിച്ചതോടെ യുഎഇയിലേക്കും തിരിച്ചുമുള്ള വിമാന യാത്രാക്കൂലി 30 ശതമാനം കുറഞ്ഞിരിക്കുകയാണ്. യുഎഇ താമസക്കാർ ബഹുഭൂരിപക്ഷവും ചൂട് ശക്തമായ കാലവും സ്‌കൂള്‍ അവധിക്കാലവും പരിഗണിച്ച് കഴിഞ്ഞ മാസം വേനലവധിക്ക് അനുസൃതമായി ലോകത്തിന്റെ വിവിധ ഭാഗങ്ങളിലേക്ക് യാത്ര ചെയ്യാന്‍ ടിക്കറ്റ് ബുക്ക് ചെയ്തതോടെ ടിക്കറ്റ് നിരക്ക് ഏറ്റവും ഉയര്‍ന്ന നിലയിലായിരുന്നു.

ഓഗസ്റ്റ് മാസമായതോടെ അവധിക്കാല പാക്കേജുകളുടെയും വില കുറഞ്ഞതായി ടിക്കറ്റിങ് മേഖലയിലുള്ളവര്‍ പറഞ്ഞു. ആവശ്യപ്പെടുന്ന ലക്ഷ്യസ്ഥാനങ്ങളിലേക്ക് താങ്ങാനാവുന്ന യാത്രാ പാക്കേജുകളുമായി വിമാനകമ്പനികള്‍ മല്‍സരിക്കുകയാണ്. അഞ്ചോ ആറോ ദിവസത്തെ ടൂറിസ്റ്റ് പാക്കേജിന് ഒരാള്‍ക്ക് ശരാശരി 3,500 ദിര്‍ഹം മുതല്‍ 4,500 ദിര്‍ഹം വരെയാണ് വരുന്നത്.

3,000 ദിര്‍ഹം മുതല്‍ 3,500 ദിര്‍ഹം വരെ വിലയുള്ള പാക്കേജുകള്‍ക്ക് ആവശ്യക്കാരേറെയാണ്. ബാങ്കോക്ക്, ജോര്‍ജിയ, ബാക്കു, സലാല, അബ, അല്‍ഉല തുടങ്ങിയ ലക്ഷ്യസ്ഥാനങ്ങള്‍ക്കും വിസ ഓണ്‍ അറൈവല്‍ രാജ്യങ്ങള്‍ക്കും വലിയ ഡിമാന്‍ഡുണ്ട്.