വിസാ കാലാവധി കഴിഞ്ഞ ശേഷവും രാജ്യത്ത് കഴിയുന്ന ഓരോ ദിവസവും പിഴ നല്കേണ്ടി വരും
അബുദാബിയില് വിസാ കാലാവധി കഴിഞ്ഞ ശേഷവും രാജ്യത്ത് തങ്ങുന്നവര്ക്കായി ഈടാക്കി വരുന്ന പിഴ ഏകീകരിച്ചതായി യുഎഇ. വിസിറ്റ്, താമസ വിസയില് രാജ്യത്തെത്തിയ ശേഷം കാലാവധി പൂര്ത്തിയായവര്ക്കാണ് ഏകീകൃത പിഴ സമ്പ്രദായം ബാധകമാവുക. വിസാ കാലാവധിയോ വിസ പുതുക്കാനുള്ള ഗ്രേസ് പീരിയഡോ അവസാനിച്ച ശേഷം അധികമായി താമസിക്കുന്ന ഓരോ ദിവസവും 50 ദിര്ഹം പിഴയായി നല്കേണ്ടി വരും.
അതേസമയം യുഎഇയിലുള്ള പ്രവാസികള്ക്കും എന്ആര്ഐ അക്കൗണ്ടുകള്,വിദേശ ഫോണ് നമ്പറുകള് എന്നവ ഉപയോഗിച്ച് ഇന്ത്യയിലുള്ള യുപിഐ ഉടമയ്ക്ക് പണമയക്കാനുള്ള പദ്ധതി പ്രാബല്യത്തില് വരുമെന്ന് ധനകാര്യ സഹമന്ത്രി ഡോ ഭഗവന്ത് കിസാന് റാവു കഴിഞ്ഞ ദിവസം അറിയിച്ചിരുന്നു. നിലവില് ഇന്ത്യന് ഫോണ് നമ്പറുകളില് നിന്ന് മാത്രമാണ് ഇത്തരത്തില് പണമിടപാട് നടത്താനാവുക.
പ്രവാസികള്ക്ക് ക്യൂ ആര് കോഡ് സ്കാന് ചെയ്ത് യുപിഐ വഴി പണം കൈമാറാനാകും. പ്രവാസികള്ക്ക് ഏറെ സഹായകരമായ പദ്ധതി ഗള്ഫ് മേഖലയില് നിന്നുള്പ്പെടെ 10 രാജ്യങ്ങളിലാണ് നടപ്പിലാക്കുക. യുഎഇ, ഒമാന്, ഖത്തര്, സൗദി, സിംഗപ്പൂര്, ഓസ്ട്രേലിയ, കാനഡ, ഹോങ്കോങ്, യുഎസ്എ, യുകെ എന്നീ രാജ്യങ്ങളെയാണ് ഉള്പ്പെടുത്തിയിട്ടുള്ളത്. ആദ്യ ഘട്ടത്തില് യുഎഇ, ഒമാന്, സൗദി, ഖത്തര് എന്നിവിടങ്ങളിലായിരിക്കും യുപിഐ സേവനം ലഭ്യമാവുക. ഇന്ത്യ ആതിഥേയത്വം വഹിക്കുന്ന ജി20 ഉച്ചകോടിയ്ക്ക് മുന്നോടിയായാണ് പദ്ധതി നടപ്പിലാക്കുക.
https://www.facebook.com/Malayalivartha
