ഒമാനില് വാഹനാപകടത്തില് എം.ബി.ബി.എസ് വിദ്യാര്ഥിയായ മലയാളി .യുവാവ് മരിച്ചു....
ഒമാനില് വാഹനാപകടത്തില് എം.ബി.ബി.എസ് വിദ്യാര്ഥിയായ മലയാളി .യുവാവ് മരിച്ചു. ദുബൈയില് നിന്നും കസബിലേക്ക് പോവുകയായിരുന്ന ഹെവി പിക്കപ്പ് വാഹനം നിയന്ത്രണം വിട്ട് മറിഞ്ഞായിരുന്നു അപകടം ഉണ്ടായത്.
കണ്ണൂര് കുടുക്കിമൊട്ട കല്ലിന്റവിട സി.പി. റഫീഖിന്റെ മകന് റാഹിദ് ആണ് മരണപ്പെട്ടത്. ഇരുപത് വയസായിരുന്നു. ഈജിപ്തില് എം.ബി.ബി.എസിന് പഠിക്കുന്ന റാഹിദ് ഒരാഴ്ച മുമ്പാണ് കസബില് ജോലി ചെയ്യുന്ന പിതാവിന്റെ അടുത്ത് വന്നത്.
പിതാവിന്റെ സഹോദരിപുത്രനോടൊപ്പം ദുബൈയില് പോയി മടങ്ങിവരവേ ഇന്നലെ പുലര്ച്ച പന്ത്രണ്ടരയോടെയാണ് കസബില്നിന്നും ഏതാണ്ട് പത്തു കിലോമീറ്റര് അകലെ ഹറഫില്വെച്ച് അപകടം സംഭവിച്ചത്.
റോഡില് തെറിച്ചുവീണ റാഹിദ് അപകടസ്ഥലത്തുവെച്ചുതന്നെ മരണമടഞ്ഞു. റോയല് ഒമാന് പൊലീസ് സ്ഥലത്തെത്തി മേല്നടപടികള് സ്വീകരിച്ചു. പിതാവ് റഫീഖ് ഇപ്പോള് കസബിലാണുള്ളത്. മാതാവ്: തസ്ലീമ. മൂന്ന് സഹോദരിമാരുണ്ട്. കെ.എം.സി.സിയുടെ നേതൃത്വത്തില് നടപടി ക്രമങ്ങള് പൂര്ത്തിയാക്കി മൃതദേഹം കസബില് ഖബറടക്കുകയായിരുന്നു.
"
https://www.facebook.com/Malayalivartha
