സങ്കടം അടക്കാനാവാതെ.... യുഎഇയില് റോഡ് മുറിച്ചു കടക്കുന്നതിനിടെയുണ്ടായ വാഹനാപകടത്തില് പ്രവാസി മലയാളിക്ക് ദാരുണാന്ത്യം
സങ്കടം അടക്കാനാവാതെ.... യുഎഇയില് റോഡ് മുറിച്ചു കടക്കുന്നതിനിടെയുണ്ടായ വാഹനാപകടത്തില് പ്രവാസി മലയാളിക്ക് ദാരുണാന്ത്യം. കണ്ണൂര് പാനൂര് കണ്ണന്കോട് സ്വദേശി ബദറുദ്ദീന് പുത്തന്പുരയില് (39) ആണ് ഷാര്ജയില് മരിച്ചത്. ഷാര്ജ നാഷണല് പെയിന്റിന് സമീപമാണ് അപകടം സംഭവിച്ചത്.
സര്വീസ് റോഡ് മുറിച്ചു കടക്കുന്നതിനിടെ എതിരെ വന്ന വാഹനം ഇടിച്ച് തെറിപ്പിക്കുകയായിരുന്നു. അജ്മാനില് സെയില്സ് വിഭാഗത്തിലായിരുന്നു ജോലി. 20 വര്ഷം പ്രവാസിയാണ്. പിതാവ്: പരേതനായ ഉസ്മാന്, മാതാവ്: ബീഫാത്തു, ഭാര്യ: സുനീറ മക്കള് സബാ ഷഹലിന്, സംറ ഷഹലിന്, മുഹമ്മദ് റയാന് ബദര്.
അതേസമയം അജ്ഞാത വാഹനം സൈക്കിളില് ഇടിച്ച് ഇന്ത്യന് യുവാവ് റിയാദില് മരിച്ചു. ജോലി സ്ഥലത്തേക്ക് സൈക്കിളില് പോകുകയായിരുന്ന ശഹറന്പൂര് സ്വദേശി മുഹമ്മദ് മുസ്ഖുറാന് (32) ആണ് റിയാദ് എക്സിറ്റ് 10ല് വെച്ചുണ്ടായ അപകടത്തില് മരിച്ചത്. രാവിലെ അജ്ഞാത വാഹനമിടിച്ചാണ് അപകടം.
https://www.facebook.com/Malayalivartha
