ഖത്തറില് നിന്ന് കുടുംബത്തോടൊപ്പം തീര്ഥാടനത്തിനെത്തി... മദീന പ്രവാചക പള്ളിയില് നമസ്കരിക്കുന്നതിനിടെ കുഴഞ്ഞുവീണ മലയാളി തീര്ത്ഥാടകന് മരിച്ചു...
ഖത്തറില് നിന്ന് കുടുംബത്തോടൊപ്പം തീര്ഥാടനത്തിനെത്തി... മദീന പ്രവാചക പള്ളിയില് നമസ്കരിക്കുന്നതിനിടെ കുഴഞ്ഞുവീണ മലയാളി തീര്ത്ഥാടകന് മരിച്ചു...
കൊല്ലം ബീച്ച് റോഡ് സലിം ഹോട്ടലിലെ കാഷ്യര് ആയിരുന്ന സലിം മന്സിലില് ബഷീര് അഹമ്മദ് എന്ന സലിം (69) ആണ് ബുധനാഴ്ച രാവിലെ മരിച്ചത്. ഖത്തറിലുള്ള മകന് ഡോ. മുഹമ്മദ് ഹുെൈസന്റ അടുത്തേക്ക് സന്ദര്ശന വിസയിലെത്തിയ സലിം കുടുംബത്തോടൊപ്പം മക്കയിലെത്തി ഉംറ നിര്വഹിച്ച ശേഷം മദീന സന്ദര്ശനത്തിലായിരുന്നു.
തിങ്കളാഴ്ച മദീന മസ്ജിദുന്നബവിയില് നമസ്കരിച്ചുകൊണ്ടിരിക്കെ കുഴഞ്ഞുവീണ അദ്ദേഹത്തെ ഉടന് ബന്ധുക്കളും മറ്റും ചേര്ന്ന് മദീനയിലെ കിങ് ഫഹദ് ആശുപത്രിയില് എത്തിച്ചിരുന്നു. തീവ്രപരിചരണ വിഭാഗത്തില് ചികിത്സയില് കഴിയുന്നതിനിടയിലാണ് മരണം സംഭവിച്ച്ത്.
ഭാര്യ താജുന്നീസ ബീവിയും ഖത്തറിലുള്ള മകന് ഡോ. മുഹമ്മദ് ഹുസൈനും കുടുംബവും കൂടെയുണ്ട്. മറ്റു മക്കളായ മുഹമ്മദ് സുല്ഫീക്കര് (അയ് ദാന് ഗ്ലോബല്, കൊല്ലം), മുഹമ്മദ് നൗഫല് ( ഇന്ത്യന് ആര്മി ഉദ്യോഗസ്ഥന്) എന്നിവര് അടുത്ത ദിവസം നാട്ടില് നിന്ന് മദീനയിലെത്തുമെന്നും, ശേഷം മൃതദേഹം വെള്ളിയാഴ്ച മദീനയില് തന്നെ ഖബറടക്കുമെന്നും ബന്ധുക്കള് അറിയിച്ചു.
"
https://www.facebook.com/Malayalivartha
