ആ ആഘോഷം അവസാന ആഘോഷമായി.... ജോലിസ്ഥലത്ത് നിന്ന് പെരുന്നാളാഘോഷിക്കാന് ജിദ്ദയിലെത്തിയ മലയാളി മരിച്ചു
ആ ആഘോഷം അവസാന ആഘോഷമായി.... ജോലിസ്ഥലത്ത് നിന്ന് പെരുന്നാളാഘോഷിക്കാനായി ജിദ്ദയിലെത്തിയ മലയാളി മരിച്ചു.തെക്ക് പടിഞ്ഞാറന് പ്രവിശ്യയിലെ അല്ബാഹയില് ജോലി ചെയ്യുന്ന മലപ്പുറം കൂട്ടിലങ്ങാടി പള്ളിപ്പുറം സ്വദേശി ചേരിയില് നജ്മുദ്ധീന് (46) ആണ് ജിദ്ദയില് മരിച്ചത്.
നഖ്ല് ട്രാന്സ്പോര്ട്ടേഷന് കമ്പനി ജീവനക്കാരനായ ഇദ്ദേഹം ജിദ്ദയിലെ സുഹൃത്തുക്കളോടും ബന്ധുക്കളോടുമൊപ്പം പെരുന്നാള് ആഘോഷിക്കാനെത്തിയതായിരുന്നു. വെള്ളിയാഴ്ച്ച രാത്രി അല്ബാഹയിലേക്ക് തിരിച്ചുപോകാനായി വാഹനം കയറുന്ന സ്ഥലത്ത് എത്തിയപ്പോള് ദേഹാസ്വസ്ഥ്യമുണ്ടാകുകയും ഉടന് തന്നെ മരിക്കുകയുമായിരുന്നു.
പിന്നീട് മൃതദേഹം ആംബുലന്സില് ജിദ്ദ മഹ്ജര് കിങ് അബ്ദുല് അസീസ് ആശുപത്രിയില് എത്തിച്ചു. 18 വര്ഷത്തോളമായി ഇദ്ദേഹം അല്ബാഹയില് പ്രവാസിയായിരുന്നു. പരേതരായ കുഞ്ഞിമുഹമ്മദ്, ആമിന ദമ്പതികളുടെ മകനാണ്. ഭാര്യ സീനത്ത്, മക്കള് ഹെന്ന (ഏഴ്), ഹനാന് (12).
"
https://www.facebook.com/Malayalivartha
