തിരുവനന്തപുരം, എറണാകുളം, കോഴിക്കോട് ജില്ലകളിലെ 61 പരീക്ഷാ കേന്ദ്രങ്ങളിലായി 23666 വിദ്യാർഥികൾ പങ്കെടുക്കുന്ന സിവിൽ സർവീസ് പരീക്ഷ ജൂൺ 16 ന് നടക്കുകയാണ്. പരീക്ഷാകേന്ദ്രങ്ങൾക്കനുസരിച്ച് ദീർഘദൂര സർവീസുകൾ ഉൾപ്പെടെയുള്ള സ്പെഷ്യൽ സർവീസുകൾ കെഎസ്ആർടിസി ഏർപ്പെടുത്തിയിട്ടുണ്ട്.

തിരക്കനുസരിച്ച് എല്ലാ യൂണിറ്റുകളിൽ നിന്നും ശനിയാഴ്ച വൈകിട്ടും ഞായറാഴ്ച രാവിലെയും ഉച്ച കഴിഞ്ഞും ആവശ്യമായ സ്പെഷ്യൽ സർവീസ് ട്രിപ്പുകൾ തിരുവനന്തപുരംം എറണാകുളം കോഴിക്കോട് ജില്ലകളിലേക്ക് നടത്തുന്നതാണ്.

ഇതേ രീതിയിൽ പരീക്ഷ കഴിഞ്ഞ് എത്തുന്ന വിദ്യാർത്ഥികൾക്ക് തിരികെ വരുന്നതിനുള്ള ക്രമീകരണങ്ങളും ചെയ്തിട്ടുണ്ട്. തിരുവനന്തപുരത്ത് പരീക്ഷാ കേന്ദ്രങ്ങളെ കൂടി കണക്ട് ചെയ്തു സമയം ക്രമീകരിച്ച് ഇലക്ട്രിക് ബസുകൾ സർവീസ് നടത്തും.