ഒമാനിലെ ഇബ്രിയില്‍ മരിച്ച ആലപ്പുഴ സ്വദേശിയുടെ മൃതദേഹം നാട്ടിലെത്തിച്ചു. ഏറുമാത്തൂര്‍ കുറുമ്പും തറ ഹൗസില്‍ ഫിലിപ്പ് ജോയിയുടെ മൃതദേഹമാണ് നാട്ടില്‍ എത്തിച്ചത്. ഇബ്രി അറാക്കിയിലെ കണ്‍സ്ട്രക്ഷന്‍ കമ്പനിയില്‍ ജോലി ചെയ്ത് വരികയായിരുന്നു അദ്ദേഹം.


കഴിഞ്ഞ ചൊവ്വാഴ്ച ജോലി സ്ഥലത്തുണ്ടായ അപകടത്തെ തുടര്‍ന്ന് തലക്ക് ഗുരുതര പരിക്കേറ്റ ഇദ്ദേഹത്തെ ഇബ്രി ഹോസ്പിറ്റലിലും അവിടെ നിന്ന് നിസ്വ ഹോസ്പിറ്റലിലും പ്രവേശിപ്പിച്ചിരുന്നു. ജീവന്‍ രക്ഷിക്കാന്‍ കഴിഞ്ഞില്ല.

പിതാവ്: ജോയ്, മാതാവ്: റബേക്ക. മൃതദേഹം നാട്ടിലേക്ക് കൊണ്ടുപോകാനുള്ള നടപടികള്‍ ഇബ്രിയിലെ സാമൂഹിക പ്രവര്‍ത്തകരായ കുമാര്‍, സുബാഷ്, ഹരിദാസ് എന്നിവരുടെ നേതൃത്വത്തിലാണ് നടന്നത്.