കുവൈത്തില്‍ ഡെലിവറി ജീവനക്കാരനായ മലയാളി യുവാവിനെ കാറില്‍ മരിച്ച നിലയില്‍ കണ്ടെത്തി. വയനാട് വടുവഞ്ചാല്‍ വട്ടത്തുവയല്‍ സ്വദേശി വിബിന്‍ കുണ്ടറബി (34) യെ ആണ് മംഗഫിലെ താമസ കേന്ദ്രത്തോട് ചേര്‍ന്ന പാര്‍ക്കിങ് ഏരിയയില്‍ കാറില്‍ മരണപ്പെട്ടതായി കണ്ടെത്തിയത്.

ഹൃദയാഘാതമാണ് മരണകാരണമെന്നാണ് സൂചനകളുള്ളത്. ഡെലിവറി ഡ്യൂട്ടി ചെയ്തു വന്ന കാറിലാണ് ലോക്ക് ചെയ്ത നിലയില്‍ മൃതദേഹം കണ്ടത്. പിതാവ്: വിജയന്‍. ഭാര്യ: ടി.എം.രമിഷ. മക്കള്‍: നിഷാന്‍, ഇവാന്‍. മൃതദേഹം നാട്ടില്‍ കൊണ്ടുപോകുന്നതിനുള്ള നടപടികള്‍ നടന്നു വരുന്നു.