യൂറോപ്പിലേക്ക് പോകാനുള്ള ആഗ്രഹം സഫലമാകാതെ.... റാസല്‍ഖൈമയില്‍ പത്തനംതിട്ട സ്വദേശി നിര്യാതനായി. പത്തനംതിട്ട അങ്ങാടിക്കല്‍ കൊന്നമത്ത് രാഘവന്‍ ഉണ്ണിത്താന്റെ മകന്‍ ബിനുകുമാര്‍ (48) ആണ് മരിച്ചത്. റാക് ഇന്ത്യന്‍ പബ്ലിക് ഹൈസ്‌കൂള്‍ അധ്യാപകനായിരുന്നു. ജോലി രാജിവെച്ച് യൂറോപ്പിലേക്ക് പോകാനുള്ള ഒരുക്കത്തിലായിരുന്ന ബിനുകുമാര്‍ ഹൃദയാഘാതത്തെത്തുടര്‍ന്ന് അഞ്ച് ദിവസം മുമ്പാണ് മരിച്ചത്.

മാതാവ്: പൊന്നമ്മ. ഭാര്യ: ലതി ബിനുകുമാര്‍. മക്കള്‍: ദേവു ബിനുകുമാര്‍, ദയ ബിനുകുമാര്‍. മൃതദേഹം നാട്ടിലെത്തിക്കും.