നിമിഷ പ്രിയയുടെ വധശിക്ഷ ഒഴിവാക്കാന്‍ കുടുംബം സമ്മതിച്ചെന്ന് അഭിഭാഷകന്‍
യെമന്‍ പൗരനെ കൊലപ്പെടുത്തിയ കേസില്‍ വധശിക്ഷയ്ക്ക് വിധിക്കപ്പെട്ട മലയാളി നഴ്‌സ് നിമിഷ പ്രിയയുടെ ശിക്ഷ റദ്ദാക്കാന്‍ തീരുമാനിച്ചുവെന്ന് അഭിഭാഷകന്‍ സുഭാഷ് ചന്ദ്രന്‍ കെ ആര്‍. ഇരയുടെ കുടുംബം വധശിക്ഷ റദ്ദാക്കാന്‍ സമ്മതിച്ചതായും ചര്‍ച്ചകള്‍ പുരോഗമിക്കുകയാണെന്നും അദ്ദേഹം ഇടിവി ഭാരതിനോട് പറഞ്ഞു. നിമിഷയെ മോചിപ്പിക്കാനുള്ള എല്ലാ ശ്രമങ്ങളും നടക്കുന്നുണ്ടെന്നും അദ്ദേഹം വ്യക്തമാക്കി.
നിമിഷയുടെ കുടുംബവുമായും നിരന്തരമായി സംസാരിക്കുന്നുണ്ടെന്ന് അഭിഭാഷകന്‍ കൂട്ടിച്ചേര്‍ത്തു. ഇരയുടെ കുടുംബം നിമിഷയെ വധശിക്ഷയില്‍ നിന്ന് മോചിപ്പിച്ച് പകരം ജയിലില്‍ അടക്കണമെന്ന് ആവശ്യപ്പെട്ടു. ഇതുവഴി തൂക്കിലേറ്റുന്നത് തടയാന്‍ സാധിക്കുമെന്നും അദ്ദേഹം വ്യക്തമാക്കി.
കൊലപാതകം ആരോപിക്കപ്പെട്ട നിമിഷ പ്രിയയുടെ സഹോദരന്‍ കുടുംബം മോചിപ്പിക്കാന്‍ സമ്മതിച്ചിട്ടില്ലെന്ന് അറിയിച്ചിരുന്നു. എന്നാല്‍ മരിച്ചയാളുടെ ഭാര്യയും മാതാപിതാക്കളും വധശിക്ഷ റദ്ദാക്കണമെന്ന് ആവശ്യപ്പെട്ടതിനാല്‍, നിമിഷ പ്രിയയുടെ സഹോദരന്റെ അഭിപ്രായത്തിന് മുന്‍ഗണന നല്‍കിയില്ലെന്ന് അഭിഭാഷകന്‍ പറഞ്ഞു. നിമിഷയുടെ പേരില്‍ സുഭാഷ് ചന്ദ്രന്‍ സുപ്രീം കോടതിയില്‍ ഒരു ഹര്‍ജി ഫയല്‍ ചെയ്തിരുന്നു. യെമന്‍ സര്‍ക്കാരില്‍ സമ്മര്‍ദ്ദം ചെലുത്തി നിമിഷയുടെ വധശിക്ഷ നീട്ടിവെക്കാന്‍ കേന്ദ്ര സര്‍ക്കാരിന് നിര്‍ദേശം നല്‍കണമെന്നായിരുന്നു ഈ അപ്പീലിലെ ആവശ്യം.
https://www.facebook.com/Malayalivartha
