സ്വപ്നസാക്ഷാത്ക്കാരത്തിനായി പ്രവാസി മലയാളിയായ രംഗീത് കരാട്ടെയില് പുതിയ അടവുകളുമായി രംഗത്ത്
കരാട്ടെ ഇനമായ ഷിന്കിയോ ക്യൂ ഷിന്കായില് ഏഷ്യന് ചാമ്പ്യന് കിരീടം നേടുക എന്ന സ്വപ്നവുമായി കരാട്ടെയില് പുതിയ ചുവടുകള് വച്ച് മുന്നേറുകയാണ് പ്രവാസി മലയാളിയായ രംഗീത്. സെപ്റ്റംബറില് ദക്ഷിണ കൊറിയയില് നടക്കുന്ന ഷിന്കിയോ ക്യു ഷിന്കായി ഏഷ്യന് ചാംപ്യന്ഷിപ്പില് മല്സരിക്കാനുള്ള തയാറെടുപ്പിലാണ് രംഗീത്.
കരാട്ടെയാണ് രംഗീതിന്റെ ജീവനും ജീവിതവും. ശരീരം പൂര്ണമായി ഉപയോഗിച്ച് എതിരാളിയെ നേരിടുന്ന കരാട്ടെ ഇനമായ ഷിന്കിയോ ക്യു ഷിന്കായില് ഏറ്റവും മികവും പുലര്ത്തുന്ന ഇന്ത്യക്കാരനാണ് ഇദ്ദേഹം. ഈ ഇനത്തിലെ ഏഷ്യന് ചാംപ്യന് എന്ന കിരീടമാണ് രംഗീതിന്റെ സ്വപ്നം. ഈ സ്വപ്നം യാഥാര്ഥ്യമാക്കുന്നതിനുള്ള കഠിനപരിശീലനത്തിലാണ് രംഗീത്. കഴിഞ്ഞ പതിനഞ്ച് വര്ഷത്തിനിടെ ആദ്യമായാണ് ഒരു ഇന്ത്യക്കാരന് ഷിന്കിയോ ക്യു ഷിന്കായ് ഏഷ്യന് ചാംപ്യന്ഷിപ്പിന് യോഗ്യത നേടുന്നത്. മുന്വര്ഷങ്ങളില് വിവിധ ടൂര്ണമെന്റുകളില് യുഎഇയ്ക്കായി മല്സരിച്ച രംഗീത് ഇന്ത്യയ്ക്കു വേണ്ടിയാണ് ഏഷ്യന് ചാംപ്യന്ഷിപ്പിന് ഇറങ്ങുന്നത്. എന്നാല് മല്സരത്തില് പങ്കെടുക്കുന്നതിനും പരിശീലനത്തിനുമായി വേണ്ടി വരുന്ന വന് ചെലവ് ഇദ്ദേഹത്തിന്റെ സ്വപ്നങ്ങള്ക്ക് മേല് കരിനിഴലാകുന്നു.
മുപ്പതിനായിരം ദിര്ഹമെങ്കിലും ഉണ്ടെങ്കില് മാത്രമേ രംഗീതിന് ഏഷ്യന് ചാംപ്യന്ഷിപ്പില് പങ്കെടുക്കാന് സാധിക്കുകയുള്ളൂ. ഇവിടെ ആദ്യമൂന്നില് ഇടം നേടിയാല് അടുത്തവര്ഷം കസഖ്സ്ഥാനില് നടക്കുന്ന ലോകചാംപ്യന്ഷിപ്പിലേക്കും യോഗ്യത ലഭിക്കും. അബുദാബിയില് കരാട്ടെ, കിക്ക് ബോക്സിങ്, യോഗ എന്നിവ പരിശീലിപ്പിക്കുന്ന രംഗീത് പ്രതിസന്ധികളെയെല്ലാം തരണം ചെയ്ത് ബുസാനില് കിരീടം നേടുമെന്ന് മനസിലുറപ്പിച്ചാണ് ഒരോ ചുവടും മുന്നോട്ട് വയ്ക്കുന്നത്.
https://www.facebook.com/Malayalivartha