സാലാം എയര്‍ ചിറക് വിരിക്കുന്നു
ഒമാന്റെ ആദ്യ ബജറ്റ് വിമാനക്കമ്പനിയായ സലാം എയര്‍ സര്‍വിസ് ആരംഭിക്കുന്നതിനുള്ള ഒരുക്കങ്ങള്‍ അന്തിമഘട്ടത്തിലാണ്. സീറ്റുകള്‍ ലെതര്‍ ആക്കുന്ന ജോലികള്‍ നടന്നുവരുന്നു. ഏതാനും ആഴ്ചകള്‍ക്കുള്ളില്‍ സര്‍വിസ് ആരംഭിക്കുന്നതിന് വേണ്ട കാര്യങ്ങള്‍ പൂര്‍ത്തീകരിക്കും. ടിക്കറ്റ് വില്‍പന ഉടനെ തന്നെ ആരംഭിക്കുമെന്ന് സലാം എയര്‍ അധികൃതര്‍ അറിയിച്ചു. സ്വദേശികളും വിദേശികളും ഏറെ പ്രതീക്ഷയോടെയാണ് സലാം എയറിന്റെ വരവുകാത്തിരിക്കുന്നത്.ആദ്യഘട്ടത്തില്‍ മസ്‌കത്തില്‍ സലാലയിലേക്ക് നാലു പ്രതിദിന സര്‍വിസുകളായിരിക്കും കമ്പനി നടത്തുക. കൂടാതെ ദുബൈ, ജിദ്ദ എന്നിവിടങ്ങളിലേക്കുള്ള അന്താരാഷ്ട്ര സര്‍വിസുകളും ഉണ്ടാകും.
കിഴക്കന്‍ ആഫ്രിക്ക, ഇന്ത്യന്‍ ഉപഭൂഖണ്ഡം എന്നിവിടങ്ങളിലേക്ക് സര്‍വിസ് ആരംഭിക്കുന്നത് പരിഗണനയിലാണെന്ന് നേരത്തേ തന്നെ കമ്പനി അധികൃതര്‍ അറിയിച്ചിരുന്നു. സലാം എയറിന്റെ ടിക്കറ്റ് നിരക്കുകള്‍ 15 റിയാല്‍ മുതലാകും. വിമാനത്തില്‍ കുറഞ്ഞനിരക്ക് ലഭ്യമാകുന്നത് ബുക്ക് ചെയ്യുന്ന തീയതി, യാത്രക്കാരുടെ തിരക്ക് തുടങ്ങി നിരവധി ഘടകങ്ങളെ ആശ്രയിച്ചിരിക്കും.ഇക്കോണമി സീറ്റുകള്‍ മാത്രമുണ്ടാകുന്ന വിമാനത്തില്‍ ലഗേജുകളില്ലാതെ യാത്ര ചെയ്യുന്നവര്‍ക്ക് പ്രത്യേക നിരക്കുകളടക്കം ഏര്‍പ്പെടുത്തുമെന്ന് നേരത്തേ വാര്‍ത്തകളുണ്ടായിരുന്നു. വര്‍ധിക്കുന്ന വിമാനയാത്രികരുടെ എണ്ണം കണക്കിലെടുത്താണ് ബജറ്റ് വിമാന കമ്പനിക്ക് രൂപം നല്‍കാന്‍ സര്‍ക്കാര്‍ തീരുമാനിച്ചത്. മസ്‌കത്ത് നാഷനല്‍ ഡെവലപ്‌മെന്റ് ആന്‍ഡ് ഇന്‍വെസ്റ്റ് കമ്പനിയുടെ കീഴിലുള്ള സലാം എയറിന് ഈ വര്‍ഷം ആദ്യത്തിലാണ് സിവില്‍ ഏവിയേഷന്‍ പൊതുഅതോറിറ്റി അനുമതി നല്‍കിയത്.
https://www.facebook.com/Malayalivartha
